О́ńirde jyl basynan beri 460 jol-kólik oqıǵasy tirkelgen, dep habarlaıdy Egemen.kz Pavlodarnews.kz saıtyna silteme jasap.
Bul týraly oblystyq polısııa departamentiniń baspasóz qyzmeti málim etti.
"Búginde oblysta jol-kólik oqıǵalarynyń 6,3 paıyzǵa azaıǵany baıqalady. Jyl basynan beri 460 oqıǵa tirkelip, 39 adam qaza taýyp, 708 adam jaraqat aldy. О́tken jyly 490 jol-kólik oqıǵasy oryn alǵan", dedi baspasóz qyzmetinde.
Oblys ortalyǵynda balabaqshalar men mektepterdiń janynda, sondaı-aq jol qozǵalysy qaýipsizdigin qamtamasyz etý úshin basqa da jaıaý júrginshiler ótkelderinde stroboskoptar jumys isteıdi. "Qala boıynsha jaıaý júrginshiler ótkelinde barlyǵy 75 stroboskop ornatylǵan. Stroboskoptardyń jarqyn shamdary alystan kórinedi, ásirese qarańǵy ýaqytta olar júrgizýshilerdiń nazaryn jolǵa aýdarady. Osylaısha jaqyn jerde jaıaý júrginshiler ótkeli bar ekenin eskertedi. Sonymen qatar, jaıaý júrginshilerdiń qatysýymen bolǵan jol-kólik oqıǵalarynyń negizgi sebepteri - jaıaý júrginshilerdiń tómen tártibi, sondaı-aq júrgizýshilerdiń jaıaý júrginshilerge jol bermeýi. Bul stroboskoptar jol-kólik oqıǵalary men joldardaǵy qaýipsizdik sharalarynyń aldyn alý quraldarynyń biri", deıdi polısııa departamentiniń basshysy Nurlan Másimov.Aıta keteıik, polısııa departamenti jol qozǵalysy qaýipsizdigi maqsatynda basqa elderdiń tájirıbesin eskere otyryp, kósheler men joldarda zamanaýı tehnıkalyq quraldardy ornatý boıynsha usynystar engizdi.Olardyń arasynda: lazerlik jaıaý júrginshiler ótkelderi jáne jaıaý júrginshiler ótkelderinde qosymsha jaryq kózderin ornatý, kólik quraldarynyń jaıaý júrginshiler ótkelderine jáne apattyq qaýipti ýchaskelerge kireberisterindegi shýly jolaqtar, sferalyq aınalar, jer ústi jaıaý júrginshiler ótkelderin ornatý bar.