Túrkistan oblysynyń dıqandary tikeleı sebý ádisimen 168 myń ga alqapqa kúzdik astyq egýdi bastady, dep habarlaıdy Egemen.kz oblys ákiminiń baspasóz qyzmetine silteme jasap.
Brazılııadan alynǵan dán sepkish qurylǵynyń kómegimen, masaqty daqyldardyń túsimdiligi 2 ese artqan. Aýyl sharýashylyǵy salasynda jańa tehnologııalardyń paıdalanylýy jaıynda Qazyǵurt aýdany, «Sharbulaq» aýyldyq okrýginde ótken semınar-keńeste keńinen aıtyldy. Ashyq aspan astynda ótken basqosýǵa oblys ákimi О́mirzaq Shókeev, agrobıznes ókilderi, aýdan, qala ákimderi men sharýalar qatysty.
Súr tanapta qaldyrmaı tikeleı sebý ádisterin álemniń damyǵan elderi, atap aıtqanda AQSh, Kanada, Brazılııa, Argentına elderiniń sharýalary keńinen paıdalanady. Sońǵy jyldary kóp elderde nóldik tehnologııany paıdalaný arqyly ósiriletin egistiktiń kólemi artyp keledi. Aıdalmaǵan jerge daqyldardy tikeleı sebý Qazaqstannyń soltústik aımaqtarynda da, ásirese shóleıtti, sý jáne jel erozııasyna ushyraǵan jerlerde, dándi daqyldardy noldik tehnologııamen ósirýdiń tıimdiligi dáleldendi.
"Jańa tehnologııalarǵa mindetti túrde kóshýimiz kerek. О́ıtkeni myna básekelestik zamanda dástúrli tehnologııa alysqa aparmaıdy bizdi. Biz kiriseıik endi osyǵan. Noldik tehnologııany óte belsendi qolǵa alyp jatqan sharýa qojalyqtary bar. Bul jerde batyldyq kerek. Bizde bir jaqsy jeri 5 myń gektarlyq alqaptar, ol úlken emes. Elimizde aldy mıllıon gektarǵa deıin egetin oblystar bar", - dedi О́mirzaq Estaıuly.
Jıynda oblystyq aýyl sharýashylyǵy basqarmasynyń basshysy Nurbek Badyraqov Qazaqstandaǵy maqtany satyp alý baǵasynyń bekitilýin jarııalady. О́ńirdegi 18 maqta óńdeıtin kásiporyn shıtti maqtanyń tonnasyn 130 myń teńgeden qabyldaýdy bastady. Irilengen agroqurylymdar úshin shıtti maqta baǵasy áli de ósedi dep kútilýde.