Buǵan deıin kásipkerler palatasy Almaty qalasy, Almaly aýdanynyń ákimdigimen birlesip, "Almaly" Jumyspen qamtý jáne kásipkerlikti qoldaý máseleleri boıynsha Halyqqa qyzmet kórsetý ortalyǵyn ashqan bolatyn. Atalǵan ortalyqta "Atameken" UKP, "Almaty Finance" JShS, Qoldau, "Isker ana" baǵdarlamasymen "Baqytty otbasy" ortalyqtarynyń mamandary qyzmet kórsetedi.
"Memleket basshysy 1 qyrkúıektegi joldaýynda memlekettik qoldaýdyń barlyq quraldary boıynsha nesıeler 6%-dan beriletinin aıtty. "Qarapaıym zattar ekonomıkasy", "Bıznestiń jol kartasy" memlekettik baǵdarlamalary aıasynda bul jumys bastalyp ketti. Sondaı-aq, aımaqtyq baǵdarlamalar bar. Barlyq osy baǵdarlamalar boıynsha búgingi tańda kásipkerler ınvestısııalyq, aınalym maqsattaryna orta eseppen 5 jyldan 10 jylǵa deıin qaryz ala alady", dedi Kásipkerler palatasynyń dırektory.
Sondaı-aq ol kepilzaty joq kásipkerler – "Damý" kásipkerlikti damytý qory jelisi boıynsha 85%-ǵa deıin kepildendirý quraldaryn paıdalana alatynyn atap ótti.
"Qalada óńirlik kásipkerler palatasy, Qoldaý kásipkerlik ortalyǵy bar. Almaty – bul ekonomıkanyń lokomotıvi, búkil el bıznesiniń ¼ bóligi osynda shoǵyrlanǵan", dep qorytyndylady N.Ábilshaıyqov.
Ortalyq qyzmet kórsetýge jáne halyqtyń áleýmettik jaǵynan az qamtylǵan toptaryna baǵyttalǵan. Munda "Bastaý Bıznes" baǵdarlamasy boıynsha oqý synyby da bar. Ortalyqta turǵylyqty jerine qaramastan kez kelgen adam qyzmet ala alady. "Qoldaý" kásipkerlik ortalyǵynyń call-ortalyq nómiri +7 (727) 225-1079.