Qazaqstan Respýblıkasynyń Vena qalasyndaǵy halyqaralyq uıymdar janyndaǵy Turaqty ókili Qaırat Omarov EQYU Bas hatshysynyń mindetin atqarýshy, Qaqtyǵystardy boldyrmaý ortalyǵynyń dırektory Týýla Iýrelaǵa senim qujatyn tabystady. Rásim Aýstrııa astanasynda EQYU Hatshylyǵynyń shtab-páterinde ótti, dep habarlaıdy Egemen.kz
Kezdesý barysynda T.Iýrela Qazaqstannyń EQYU-men yntymaqtastyǵyna joǵary baǵa berip, bul seriktestiktiń odan ári nyǵaıatynyna senim bildirdi. EQYU ókiliniń aıtýynsha, Qazaqstan uıymnyń qyzmetinde mańyzdy ról atqarady jáne onyń belsendi qatysýshysy bolyp tabylady.
О́z kezeginde, Q.Omarov EQYU-nyń úsh ólshemdegi mańyzdy jumysyn atap ótip, memlekettimizdiń uıymmen qalyptasqan yntymaqtastyqtyń joǵary deńgeıin rastady. Otandyq dıplomat eldegi qoǵamdyq ómirdiń túrli salalarynda júrgizilip jatqan reformalar jaıynda habardar etti. Sonymen qosa, 2021 jylǵy 10 qańtarda Májiliske ótetin parlamenttik saılaýǵa EQYU baıqaýshylar mıssııasynyń belsendi qatysatynyna senim bildirdi.
Turaqty ókil uıymǵa úsh onjyldyq barysyndaǵy tabysty músheliligine, ári 1998 jyldan bastap EQYU-nyń elimizde mıssııasynyń bolýyna negizdelip, EQYU-men yntymaqtastyqtyń jańa mazmunyn damytýǵa umtylatynyn atap ótti.
Sonymen qatar, taraptar kún tártibiniń ózekti máselelerin, EQYU-nyń óńirlik máselelerdi sheshýdegi jáne Ortalyq Azııa elderiniń áleýmettik-ekonomıkalyq damýyna halyqaralyq qoldaýdy belsendirýdegi rólin talqylady.