Qyzylordada ınternet arqyly adamdardyń senimine kirip, aqshasyn alǵan alaıaq ustaldy, – dep habarlaıdy Egemen.kz Polisia.kz saıtyna silteme jasap.
Jeńil paıda tabamyn dep josparlaǵan alaıaq 63 jastaǵy azamattan “arzan baǵamen dóńgelek alyp beremin” degen jeleýmen 1 mıllıon 200 myń teńgeden astam aqshasyn alyp, ýádesin oryndamaǵan.
Jańaqorǵan aýdandyq polısııa bóliminiń qyzmetkerleri jedel-izdestirý jumystarynyń nátıjesinde osy qylmysqa qatysy bar degen kúdikpen Jańaqorǵan kentiniń 33 jastaǵy turǵynyn ustady. Buryn qylmystyq jaýapkershilikke tartylǵan alaıaq kinásin tolyq moıyndady.
Qazirgi ýaqytta atalǵan fakt boıynsha Qazaqstan Respýblıkasy Qylmystyq kodeksiniń 190-babynyń 1- bóligimen (Alaıaqtyq) sotqa deıingi tergep-tekserý amaldary júrgizilýde. Budan basqa aýdan polıseıleri onyń osyǵan uqsas basqa da alaıaqtyq qylmystaryna qatysy bar-joǵyn anyqtaıdy.