Búgin Aqparat jáne qoǵamdyq damý mınıstrligi men Mádenıet jáne sport mınıstrligi arasynda "Adaldyq alańy" jobasy aıasynda ózara yntymaqtastyq týraly memorandýmǵa qol qoıyldy, dep habarlaıdy Egemen.kz.
Memorandýmǵa mınıstrlikterdiń jaýapty hatshylary Janat Qojahmetov pen Baqytjan Temirbolat qol qoıdy.Mınıstrlikter sybaılas jemqorlyqqa qarsy is-qımyl jáne sybaılas jemqorlyq táýekelderiniń aldyn alýdaǵy sharalardy qamtamasyz etý jáne júrgizý boıynsha birlesken jáne kelisilgen is-sharalar júrgizedi.Yntymaqtastyqtyń maqsaty sybaılas jemqorlyqqa qarsy saıasatty iske asyrýǵa, sybaılas jemqorlyqqa qarsy is-qımyl boıynsha qabyldanatyn sharalardyń tıimdiligin arttyrýǵa, parasattylyq, ashyqtyq jáne ádeptilik ıdeologııasyn ilgeriletýge; Mınıstrlikter men olardyń vedomstvolyq baǵynysty uıymdarynyń bazasynda sybaılas jemqorlyq quqyq buzýshylyqtaryn jasaýǵa yqpal etetin sebepter men jaǵdaılardy joıýǵa baǵyttalǵan birlesken jáne kelisilgen is-qımyldardy ázirleý jáne iske asyrý bolyp tabylady.