Elordada karantın talaptaryn saqtaý jáne koronavırýs ınfeksııasynyń taralýyna jol bermeý úshir mobıldi top reıdteri jalǵasýda, dep habarlaıdy Egemen.kz
Erejelerdi elemeıtinderdi polıseıler, eriktiler, taýarlar men kórsetilgen qyzmetterdiń sapasy men qaýipsizdigin baqylaý basqarmasynyń, aýdandyq ákimdikterdiń ókilderi anyqtaıdy.
26 qazan men 1 qarasha aralyǵynda mobıldik toptar Almaty aýdanynda – 61, Baıqońyr aýdanynda – 49, Esil aýdanynda – 57, Saryarqa aýdanynda 33 buzýshylyqty tirkedi.
Tekserýshiler atap ótkendeı, buǵan deıin ákimshilik jaýapkershilikke tartylǵan birqatar ShOB sýbektileri buzýshylyqtardy qaıtalaǵan. Jıi kezdesetinderi: ujymdyq jáne otbasylyq merekelerdi ótkizý, jumys rejımin saqtamaý. Máselen, 30 qazanda saǵat 23:37-de "BHB" túngi klýbyna polıseıler júrgizgen tekseriste 500-ge jýyq adam bolǵan.
"Kelgen klıentter men qyzmetkerler jasyryn qalamyz dep úmittenip, ishti jaýyp alǵan. Klýbta jarty myńdaı adam kóńil kótergen jáne eshkim betperde men áleýmettik qashyqtyqty saqtamaǵan", deıdi polısııa qyzmetkerleri.
31 qazan kúni "Shańyraq" meıramhanasynda toı ótkizildi. Merekede 60 adam bolǵan. Sol kúni saǵat 23:41-de mobıldi top sanıtarlyq normalardy buza otyryp, jumys istegen "Quartet" karaoke-klýbyn anyqtady. Klýbqa 80-ge jýyq adam kelgen. Sondaı-aq, mobıldi toptar "Salem" bazaryna qatysty materıaldar jınady. Bas sanıtarlyq dárigerdiń buıryǵyna qaramastan, ákimshilik demalys kúni bazardy ashyp qoıǵan.
Avtokólik jýý oryndaryna,tigin sheberhanalaryna jáne basqalarǵa da eskertýler jasaldy. Barlyq derekter boıynsha materıaldar Nur-Sultan qalasynyń taýarlar men kórsetilgen qyzmetterdiń sapasy men qaýipsizdigin baqylaý basqarmasyna joldandy.
1 qarashadaǵy jaǵdaı boıynsha aýdandyq polısııa basqarmalarynan 1781 materıal kelip tústi. 779 jeke jáne zańdy tulǵalar jalpy somasy 161 727 378 teńge bolatyn ákimshilik jaýapkershilikke tartyldy. Búginde jalpy somasy 129 781 525 teńge bolatyn 613 ákimshilik aıyppul tólendi.