Shymkent qalasynda daǵdarysqa qarsy is-shara aıasynda jáne óndiristi damytý úshin 37,5 mlrd teńgege 21 joba iske asyrylyp, 802 jumys ornyn qurý josparlanǵan bolatyn. Qazirgi tańda osy baǵdarlama sheńberinde 6,3 mlrd teńgege 7 joba iske qosylyp, 222 jańa jumys orny quryldy. Jyl sońyna deıin 14 jobany júzege asyrý josparlanyp otyr. Bul óz kezeginde qalada óndiris qýatyn arttyrýǵa óz úlesin tıgizedi. Bul týraly Úkimettiń onlaın ótken májilisine Premer-Mınıstr A.Mamınge Shymkent qalasynyń ákimi Murat Áıtenov qaladaǵy áleýmettik-ekonomıkalyq damý kórsetkishteri men daǵdarysqa qarsy atqarylǵan is-sharalar jóninde baıandady, dep habarlaıdy Egemen.kz.
"Karantınge baılanysty qaladaǵy qoǵamdyq kólikterdiń qatynaý kesteleri shektelip, jolaýshylar aınalymy ótken jyldyń osy kezeńinen 37,2% tómendedi. Shekteýlerge qaramaı júk aınalym toqtaǵan joq 98,4% bolyp otyr. Al baılanys qyzmeti 97,1% jetti. Karantınge baılanysty qaladaǵy qoǵamdyq kólikterdiń qatynaý kesteleri shektelip, jolaýshylar aınalymy ótken jyldyń osy kezeńinen 37,2% tómendedi. Shekteýlerge qaramaı júk aınalym toqtaǵan joq 98,4% bolyp otyr. Al baılanys qyzmeti 97,1% jetti", - dedi qala ákimi.
Murat Dúısenbekuly Úkimet basshysyna qaladaǵy áleýmettik-ekonomıkalyq jaǵdaı turaqty baqylaýda ekenin baıandap, jyl qorytyndysymen josparlanǵan kórsetkishterge qol jetkizetinin málimdedi.
Shaharda osy jyldyń 9 aıynda ótken jyldyń jeltoqsan aıymen salystyrǵanda ınflıasııa deńgeıi 105,7% bolǵan. Sonymen qatar, áleýmettik mańyzy bar 11 azyq-túlik taýarlarynyń baǵasyn ósirmeý úshin turaqtandyrý qorynan 2,2 mlrd teńge qaralǵan.