Petropavldyń polısııasyna 64 jastaǵy qala turǵyny qaırylyp, óziniń tehnıkalyq qyzmet kórsetý stansasyna (TQS) jóndeýge qoıylǵan «Honda CRV» avtokóligin bireýdiń aıdap ketkeni týraly shaǵym túsirgen, - dep habarlaıdy Egemen.kz
Mundaıda kúdik aldymen TQS qyzmetkerlerine túsetini belgili. Qalanyń PB Birinshi polısııa bóliminiń qyzmetkerleri sol baǵytpen jumys istep, kúdiktini tez anyqtady. Ol TQKS jumysshysy, buryn múliktik qylmys jasaǵany úshin sottalǵan 1974 jyly týǵan qala turǵyny bolyp shyqty. Kúdikti ustaý kezinde mas bolǵandyqtan, odan jaýap alý keıinge qaldyrylǵan. Atalǵan fakti QR Qylmystyq kodeksiniń 200-baby «Avtomobıldi nemese ózge de kólik quralyn jymqyrý maqsatynsyz quqyqqa syıymsyz ıelenip alý» boıynsha Sotqa deıingi tergep-tekserýlerdiń biryńǵaı tizilimine engizildi. Kúdiktige qatysty mindetti kelý týraly shara tańdaldy.
Jyl basynan beri oblysta bireýdiń mashınasyn urlap ketýdiń 81 faktisi bolǵan. Qazirgi ýaqytta onyń 64-i óndirispen aıaqtaldy.
PETROPAVL