Senimdi basqarý mektepke ózgeris ákeldi

KSRO temir shymyldyǵyn ash­qan sátten bastap nemister óz­­deriniń tarıhı Otanyna oraldy. Olardyń ornyna ınfra­qury­lymy jaqsy aýylǵa jappaı qazaqtar qonystana bastady. Qazir «Petropavl – Mamlıýt» tras­­sasynyń boıyndaǵy jarqy­raǵan jaqsy aýyldyń negizgi turǵyndary qazaqtar.

Osyndaǵy eki qabatty mektep úıi 1969 jyly salynǵan eken. Kútimmen ǵana tur­ǵan ǵımarattyń 80 paıyzy bári­bir tozǵan. Mine, osy mek­tep­ti bıyl jergilikti bılik mem­leket-jekemenshik áriptes­tigi sheń­berinde jergilikti kásip­kerge senim­di basqarýǵa bergen. Ol mek­tepti jańǵyrtýǵa bıyl jaz boıy 300 mln teńgedeı qara­jat quıyp, qazir ony adam tanymastaı ózgertti. Mekteptiń ishin ǵana emes aldyn da, sporttyq alańdaryn da jaınatyp, qajetti jabdyqtarmen jaraqtady.

Basqarýǵa alǵan kásipker mek­tepti jóndep qana qoımaı, onyń ishin zamanaýı jıhazdar men qural-jabdyqtarǵa da tol­tyrǵan. Sonymen qatar qajet­ti kompıýterler men ınter­ak­tıvti taqtalar da barlyq sy­nyp bólmelerine qoıylǵan. Mektep dırektory Baýyrjan Tólenovtiń aıtýyna qaraǵanda, jaltyraǵan jıhazdar bala­lar­dyń estetıkalyq qush­tarlyǵyn ǵana arttyrmaı, oqýǵa degen bel­sendiligin de art­ty­rý­da eken. Mundaıda muǵa­lim­der bilik­tiligin de arttyrý alda turǵan maqsattardyń biri eken­digi aıtyldy. Osy maqsat­pen mektep Petropavldaǵy Nazar­baev zııatkerlik mektebimen ynty­maqtastyq ornatypty. Onyń mamandary osy mektepke kelip, muǵalimderdiń IT-tehno­logııa, shet tilderi boıyn­sha bi­lik­tiligin arttyrýǵa kómektesedi.

Mekteptiń aldaǵy jospar­lary­nyń qatarynda jaqyn aýyl­d­ardan kelip oqıtyn bala­larǵa arnap ınternat úıin tur­ǵyzý tur. О́ıtkeni qazir ydyrap jat­qan keıbir aýyldardyń mek­­tepteri kútýsiz qalǵan, on­daǵy oqýshylardyń ata-analary balalaryn Peterfeld mek­tebine berýge qushtar eken. «Biz kórshi aýyldardyń balalaryn qabyldaýǵa daıynbyz. Tek ınternat úıin saldyryp alsaq boldy», deıdi dırektor. Aıta keter­ligi, bul mektepte oqý­shy­larǵa bir mezgildik ystyq tamaq ta tegin beriledi.

Oblys ákimi Qumar Aqsa­qalov­tyń aıtýyna qaraǵanda, mektepterdi osylaı senimdi bas­qarýǵa alǵysy keletin kásip­kerler oblysta barshylyq eken. Sonyń biri «Radýga» kom­­pa­nııasy­nyń bas dırektory Dmıtrıı Sha­ra­paev. Ol ózi oqyǵan Beskól selo­sy­nyń mek­tebin senimdi bas­qarý­ǵa alýǵa nıet bildirgen. Bilim berý sala­syn­da osyndaı yntymaq­tastyq­­tyń bolashaǵy zor bolatyn sııaqty.

Soltústik Qazaqstan oblysy