Bul kúnderi Perýdiń bas shahary – Lıma qalasynda aýyr atletıkadan jastar arasyndaǵy onlaın álem kýbogy ótip jatyr.
Ulttyq olımpıada komıtetiniń habarlaýynsha, jarystyń úshinshi kúninde 73 kg salmaq dárejesindegi sportshylar synǵa tústi. Bul básekede Qazaqstan atynan Meırambek Ábdihalyq qatysyp, týrnır nátıjesinde tórtinshi orynǵa taban tiredi. Ol qossaıys qorytyndysy boıynsha 275 (123+152) kelini baǵyndyrǵan.
Aıta ketelik, ázirge Qazaqstan qorjynynda jalǵyz altyn bar. Birinshi jarys kúninde 55 kıloda baq synaǵan Abylaı Áýelhanov qossaıys nátıjesinde 237 (102+135) kılony eńserip, álemdik jarysta top jardy.