SQO polıseıleri úıdiń terezesin buzyp túsip, bir mln teńgeniń zatyn jymqyrǵan urlyqty ashty. Oqıǵa qarashanyń 6-sy kúni Ǵ.Músirepov aýdanynda bolǵan. Úı ıesiniń joq ekenin paıdalanǵan ury plastıkalyq terezeni maıystyryp, ishke enip, altyn buıymdary men qundyz tondy urlap ketken. Keltirilgen shyǵyn somasy 1 mln teńgeden asady, - dep habarlaıdy Egemen.kz
Jedel-izdestirý is-sharalarynyń nátıjesinde beınebaqylaý kameralaryndaǵy jazbalar zerdelenip, kúdiktini anyqtaýǵa septigin tıgizdi. Ol buryn sotty bolǵan 1990 jylǵy aýdan turǵyny bolyp shyqty. Aldynda ol úı ıesiniń jóndeý jumystaryna jaldaǵan jumysshylarynyń biri bolǵan eken.
Atalǵan fakti boıynsha Qylmystyq kodeksiniń 188-babymen is qozǵalyp, Sotqa deıingi tergep-tekserýdiń biryńǵaı tizilimine engizildi. Kúdikti urlaǵan zattardy ıesine qaıtardy, oǵan kelý týraly mindetteme túrindegi májbúrleý sharasy qabyldandy. «Beınebaqylaý kameralary — bótenniń múlkin urlaýdy eskertýdegi jáne ashýdaǵy tıimdi qural», - deıdi Ǵ. Músirepov aýdany PB bastyǵynyń orynbasary, polısııa maıory Ashat Ahmetbekov.
Soltústik Qazaqstan oblysy