«Ýchaske» jedel-profılaktıkalyq is-sharasy sheńberinde aýdandyq jáne qalalyq ýchaskelik polısııa ınspektorlary barlyq eldi mekenderdi tekserýde. Sonyń ishinde barlyq esepte turǵan adamdardy tekserý josparlanyp otyr, - dep jazady Egemen.kz
Taıynsha aýdandyq polısııa bóliminiń jedel ýákili, aǵa leıtenant Oljas Baltabaı men Kellerovka poselkelik polısııa bólimshesiniń ýchaskelik polısııa ınspektory, leıtenant Vıktor Pshenıchnyı Lıpovka aýylynda esirtki zattaryn ótkizbese de saqtaǵan 61 jasar baqtashyny ustady. Onyń úıinen eki túıinshekke túıilgen jáne budan basqa úsh sirińke qorabyna salynǵan, sondaı-aq ystalǵan plastık bótelkede bolǵan keptirilgen qarasora tabyldy. Sonymen birge tirkelmegen «IJ-27» markaly ańshy myltyǵy jáne 16 kalıbrli patrondar anyqtaldy.
Taıynsha aýdany polısııa bóliminiń bastyǵy, polısııa podpolkovnıgi Nurlyjan Aqtanovtyń aıtýyna qaraǵanda ustalǵan adam Lıpovka aýylynyń malyn baǵýǵa jýyrda ǵana ornalasqan. Ol buryn esirtki qylmystaryn jasaǵany úshin jaýapqa tartylǵan eken. Qazir onyń isi Sotqa deıingi tergep-tekserýdiń biryńǵaı tizilimine engizildi. Tergeý júrgizilýde.
Jyl basynan SQO polıseıleri zańsyz aınalymnan 400 kg astam túrli esirtki zatyn tárkiledi. Onyń 350 kg astamy marıhýana, 1kg 690 gramm – sıntetıkalyq esirtki, sondaı-aq 372 gramm geroın. «Ýchaske» is-sharasy aıasynda polıseıler 180 myńnan astam tekseris júrgizip, 9302 túrli quqyq buzýshylyqty anyqtady.
Soltústik Qazaqstan oblysy