15 qarasha kúni Qyzyljar aýdanynda turatyn 65 jastaǵy adam jylqylardy tabýǵa kómek surap, polısııaǵa júginedi. Joǵalǵan 14 jylqynyń ózine tıesili 11-i Prıbrejnoe aýyly mańynda tabyndy qaraýsyz qaldyrǵan kezde joǵalǵan. Ol ulymen birge jylqylardy úsh kún boıy izdep, taba almaǵan, dep habarlaıdy Egemen.kz.
Osy ýaqyt aralyǵynda qar jaýyp, izder kórinbeı qalǵanyna qaramastan, tórt polısııa toby izdeýge kirisedi. Jylqylar «Voronıı ostrov» aýdany mańynan tabyldy, bári túgel. Baqtashyǵa qatysty Ákimshilik quqyq buzýshylyq týraly kodeksiniń 408-baby boıynsha materıaldar jınastyryldy. Aıta ketsek, aýyl turǵyny aǵymdaǵy jyly mal jaıý jáne jol qozǵalysy erejelerin buzǵany úshin jaýapqa tartylǵan – tabyn jolǵa shyǵyp, ótip bara jatqan kólikterge qaýip tóndirgen eken.
"Osyndaı jaǵdaılar maldy uıymdastyryp baǵýdyń mańyzyn uǵyndyrýy tıis. Bos júrgen mal jolǵa shyǵyp, jol-kólik oqıǵasyna sebepshi bolýy nemese mal urylarynyń qolyna túsýi múmkin. Aýyl turǵyndaryn mal baǵý erejelerin jáne zańnamanyń basqa da talaptaryn qatań ustanýǵa shaqyramyz. Mal joǵalǵan jaǵdaıda qaýipten saqtaný úshin polısııaǵa ýaqtyly júginý qajet" deıdi Qyzyljar aýdany PB bastyǵy, polısııa polkovnıgi Álıhan Baıqadamov.
Soltústik Qazaqstan oblysy