Eldegi karantın jaǵdaıyna baılanysty "Shymkent mádenı astana" jylynda uıymdastyrylǵan is-sharanyń barlyǵy onlaın formatta uıymdastyryldy, dep habarlaıdy Egemen.kz ákimdiktiń baspasóz qyzmetine silteme jasap.
Jyl basynan beri qalada 1500-den astam mádenı shara onlaın uıymdastyrylyp, mıllıonnan astan kórermen tamashalaǵan.
Bul jóninde qala ákimi Murat Áıtenov "Ońtústik" telearnasynda ótken "Ákim saǵaty" baǵdarlamasynda baıandady.
"Mádenı astana jylynyń jabylý saltanaty 22 qarasha kúni saǵat 15.00-de onlaın ótedi. Qaladaǵy saıabaqtarda 7 jyljymaly teatr, 5 mýzykalyq perfomanstary, aqyndar, jazýshylar jáne ádebı qaıratkerler beınesindegi boıly qýyrshaqtar sherýi ótedi. Qalamyzdyń jas sýretshileriniń kórmesi men ǵımarattardyń qasbetterinde 7 mýraldyń tusaýkeseri ótedi. Kelesi jyldyń mádenı astanasy estafetasyn Tájikstannyń Dýshanbe qalasyna beremiz", dedi qala ákimi.
Barlyq is-sharalar qalalyq mádenıet basqarmasynyń uıymdastyrýymen basqarmaǵa qarasty mádenıet mekemeleriniń qatysýymen ótkiziledi.
Aıta keteıik, mádenı astana jylynyń jabylýyna oraı qalada 14 qarashadan bastap «Shymkentke 2200 jyl» atty kerýen óz jumysyn bastaǵan bolatyn. Kerýen qala kóshelerimen júrip, qala turǵyndarynyń Dýshanbe qalasyna degen izgi tilekterin jınaıdy.