Sońǵy jyldary Qazaqstan naryǵy aıtarlyqtaı ilgerileýge qol jetkizdi. Sondyqtan otandyq kompanııalardyń qazirgi zamanǵy álemdik talaptarǵa saı bolýy, ekonomıkanyń ártúrli salalarynda eń joǵary deńgeıdegi qyzmetterdi usyna alýy mańyzdy. Osyǵan baılanysty basty mindet – otandyq óndiris naryǵyn damytýǵa jáne taýarlar men qyzmetterdi jergiliktendirýge atsalysý.
Qazaqstanda teńizdegi munaı ken ornyn ıgerý boıynsha alǵashqy joba retinde Qashaǵan Qazaqstannyń barlyq aımaqtarynda jergilikti kásiporyndardy damytýda mańyzdy ról atqarady. NCOC kompanııasy qazaqstandyq kompanııalardy Soltústik Kaspıı jobasyna barynsha tartýdy ǵana qoldap qoımaı, jobaǵa jumyldyrylǵan kompanııalarǵa halyqaralyq standarttar deńgeıine jetýge kómektesedi. Jergilikti qamtýdy barynsha arttyrý Konsorsıým úshin de, Qazaqstan úshin de basym maqsat bolyp tabylady.
Osy jyldar ishinde Operator jergilikti kompanııalarǵa, atap aıtqanda, 6 kompanııany Amerıkalyq mehanık-ınjenerler qoǵamynyń (ASME) jáne 3 kompanııany Amerıka munaı ınstıtýtynyń (API) halyqaralyq sertıfıkattaryn alý barysynda súıemeldep, qarjylyq qoldaý kórsetti.
2020 jylǵy sátti mysaldardyń biri – «KASKOR-MAShZAVOD» AQ.
Bul kórnekti jetistikke Jergilikti qamtý bólimi, NCOC kompanııasynyń merdigeri «Strategy Group» JShS jáne «KASKOR-MAShZAVOD» AQ-nyń úshjaqty jumysynyń arqasynda qol jetkizildi. Bul kezeń-kezeńmen júzege asqan uzaq úderis bir jyldan astam ýaqyt alyp, halyqaralyq standarttyń barlyq talaptaryna sáıkes bolý, olqylyqtardy joıý jáne keńes alý úshin halyqaralyq aýdıtorlar tartyldy.
Birlesken kúsh-jigerdiń nátıjesinde, «KASKOR-MAShZAVOD» AQ aýyr ónerkásiptiń ASME (Amerıkalyq mehanık-ınjenerler qoǵamy) halyqaralyq standartyn sátti engizip, «U» sertıfıkattyq belgisine ıe boldy. ASME sertıfıkaty qatań talap qoıatyn iri kompanııalarmen, munaı-gaz Operatorlarymen jumys isteý boıynsha óndirýshiniń múmkindikterin keńeıtedi.
* * *
Amerıkalyq mehanık-ınjenerler qoǵamy sonaý 1880 jyly qurylǵan, sodan beri ony negizgi maqsaty ózgergen joq: búkil álemde mashına jasaýdyń damýyna yqpal etý. Búginde ASME negizinen ınjenerlik salada kadrlardy daıarlaýmen aınalysatyn kásibı, kommersııalyq emes uıym. Nátıjesi aıqyn: ASME standarty ár túrli kompanııalarǵa óz ónimderin 100-den astam elderge eksporttaýǵa múmkindik beredi.
***
«Kaskor-Mashzavod» AQ – uńǵyma jabdyǵy, gaz peshteri, jer ústi jáne jer asty rezervýarlar, dánekerlengen metall qurylymdary men qural-saımandar sııaqty munaı-gaz salasy úshin ártúrli ónimder shyǵaratyn Qazaqstannyń jetekshi mashına jasaý kásiporyndarynyń biri.