"EAEO men EO arasyndaǵy yntymaqtastyqty damytý múmkindikteri "Lıssabonnan Vladıvostokqa deıingi biryńǵaı ekonomıkalyq keńistik" týraly dóńgelek ústel otyrysynda qaraldy" dep jazady Egemen.kz
Is-shara EEK alańynda EEK Ekonomıka jáne qarjy saıasaty jónindegi Alqa múshesi (mınıstr) Tımýr Jaqsylyqovtyń, Eýropalyq komıssııanyń jáne EAEO men Eýroodaq elderi iskerlik qoǵamdastyǵy ókilderiniń qatysýymen ótti. EEK mınıstri Tımýr Jaqsylyqov EAEO-nyń qarymdy saýda, ınvestısııalyq jáne tehnologııalyq áriptesi bolyp tabylatyn EO-men dıalogty jandandyrýǵa degen joǵary múddelilikti atap ótti. Búginde Eýroodaqtyń úlesine tıetini – halyqaralyq saýda aǵyndarynyń jartysynan astamyna jýyǵy.
"EEK Eýropalyq komıssııamen ásirese tehnıkalyq retteý, veterınarııalyq fıtosanıtarııalyq qaǵıdalar men rásimder, kedendik ákimshilik júrgizý sııaqty salalarda keshendi ári jan-jaqty yntymaqtastyqqa umtylady. Bul salalarda qazirdiń ózinde belgili bir ózara is-qımyl bastaldy", dedi EEK mınıstri.
Sonymen birge, onyń pikirinshe, EAEO men EO arasyndaǵy ózara is-qımyl deńgeıi ázirge – damýdyń bastapqy baǵytynda. Bul rette ol "Lıssabon – Vladıvostok" bastamasyna jalpy Eýrazııalyq keńistiktegi dıalogty qurylymdaý men tereńdetý jónindegi kúsh-jigeri úshin rızashylyq bildirdi.
"Bul bastama EAEO-EO dıalogy formatynda ózara is-qımyldy damytý úshin baza daıyndaýǵa mańyzdy úles qosady", dep sanaıdy Tımýr Jaqsylyqov.
О́z kezeginde "Lıssabon – Vladıvostok" bastamasy basqarmasynyń tóraǵasy Ýlf Shnaıder onyń joǵary mańyzyn, sol sııaqty dóńgelek ústelge qatysshylardyń is-sharaǵa degen kóterińki yntasyn atap ótti. EO elderiniń jeti eliniń ártúrli qaýymdastyqtary men kompanııalary ókilderiniń dóńgelek ústelge qatysýy – EAEO-men yntymaqtastyqtyń ózektiligin aıǵaqtaıdy.
Reseıdegi Eýropalyq bıznester qaýymdastyǵynyń (EBQ) prezıdenti Iohan Vanderplastyń pikirinshe, búginde eýropalyqtar elder arasyndaǵy sınergııasy joǵary deńgeıdegi asa iri "shynaıy jobalardyń" biri – Eýrazııalyq ekonomıkalyq odaqta bolyp jatqan prosesterdi óte muqııat qadaǵalap otyr.