18 qarasha kúni keshki mezgilde oblystyq janýarlar dúnıesin qorǵaý jáne orman sharýashylyǵynyń qyzmetkerleri Tasbóget kentinde sekseýil tıep alǵan «Gazel» avtokóligin toqtatady. Alaıda avtokólik júrgizýshisi qyzmetkerlerdiń zańdy talaptaryna baǵynbaı qashyp, bir úıdiń aldyna baryp toqtap, qasyndaǵy jolaýshy ekeýi ormanshylarǵa kúsh qoldanyp, dene jaraqattaryn salǵan.
Osydan keıin ormanshylar oqıǵa jaıly Qyzylorda qalalyq Polısııa basqarmasynyń Jedel basqarý ortalyǵyna habarlaıdy.
Habarlama boıynsha barǵan polıseıler kóp uzamaı álgi azamattardy ustady.Tekserý barysynda kúdiktiler 33-34 jastaǵy qala turǵyndary bolyp shyqty. Qazir olar qalalyq Polısııa basqarmasynyń ýaqytsha ustaý ızolıatorynda qamaýda otyr. Aıǵaq zat retinde oqıǵa ornynan 50 qap sekseýil alyndy.
Atalǵan derek boıynsha Qazaqstan Respýblıkasy Qylmystyq kodeksiniń 380 babynyń 2 bóligimen sotqa deıingi tergep-tekserý amaldary júrgizilýde. Oqıǵanyń mán-jaıy anyqtalýda.