Elorda ákimi TJD men polısııa departamentine tamaqtaný oryndarynda órt qaýipsizdigi saqtalýyn tekserýdi tapsyrdy, dep habarlaıdy Egemen.kz.
Tótenshe jaǵdaı kezinde qaza bolǵan qyzdyń otbasyna kómek kórsetiledi. Bul týraly Nur-Sultan qalasynyń ákimi Altaı Kólginov óziniń Instagram paraqshasynda jazdy.
"Gaz ballon jarylǵan kezde bólmede bolǵan qyzdyń otbasy men týystaryna kóńil aıtamyn. Marqumnyń otbasyna kómek kórsetiledi. Tótenshe jaǵdaıdy tergeý úshin arnaıy komıssııa quryldy. Jedel shtab qurylyp, psıhologııalyq jáne aqparattyq qoldaý kórsetý úshin jedel jeli 24-51-71, 24-51-47 quryldy.
Tótenshe jaǵdaılar departamenti men polısııa departamentine qaladaǵy basqa da qoǵamdyq tamaqtaný nysandaryn órt qaýipsizdigi erejeleriniń saqtalýyn tekserýdi tapsyrdym", - dep jazdy Altaı Kólginov.