Petropavldyń Pervomaı kóshesine áleýmettik turǵyda az qamtylǵan azamattarǵa 2 kóp qabatty úı salyndy. Qonys toıyn 186 otbasy toılap jatyr. Bul jetimder, tolyq emes otbasylar, múgedekter, aýǵan soǵysynyń ardagerleri jáne kóp balaly otbasylar, - dep jazady Egemen.kz
«Buryn bul jerde 4 apatty eki qabatty úı turǵan edi. Bul úılerdiń turǵyndary turmystyq jaǵdaılaryn jaqsartyp, jaıly páterlerge ıe boldy», - dep jazdy óz paraqshasynda SQO ákimi Qumar Aqsaqalov.
Jalpy, oblysta bıyl 3 myń páter salynady, onyń 625 páteri muqtaj azamattarǵa arnalǵan. 11 myń soltústikqazaqstandyq qonys toıyn toılaıdy. О́ńirdegi 125 kópbalaly otbasy kópten kútken baspanaǵa ıe bolady. Bıyl aýdandarda kezekke turǵandarǵa arnalyp 7 kópqabatty úı salyndy.
2021 jyly «Bereke» yqsham aýdanynda 556 páterli 5 kóp qabatty úıdiń qurylysy aıaqtalady. Bul 130 kópbalaly otbasy men áleýmettik toptardaǵy 400-den astam otbasyn baspanamen qamtamasyz etýge múmkindik beredi.
Soltústik Qazaqstan oblysy