Petropavldyń urylary usaq-túıekti qoıyp, abajadaı temir garajdyń ózin tapa-tal túste urlap ketipti, - dep jazady Egemen.kz
Qalanyń soltústigindegi Jýkov kóshesiniń boıynda turǵan bul temir garajdy ıesi tek qurylys materıaldaryn saqtaýǵa paıdalanady eken. Demek, ony tek anda-sanda ǵana ashatynyn suńǵyla ury baǵyp júrgen. Sosyn bir kúni kran-manıpýlıatory bar júk mashınasyn jaldap, garajdy tik kóterip alyp ketken. Qutty «Beregıs avtomobılıa!» degen kınodaǵydaı. Biraq bul ury garajdy túnde emes, tapa-tal túste, barlyq kórshilerdiń kózinshe urlaǵan. Al kórshiler ıesi satyp jibergen shyǵar degen bolýy kerek, muny urlyq dep oılamaǵan.
Garajy qoldy bolǵanyn ıesi birneshe kúnnen keıin ǵana kórshilerinen bilip, polısııaǵa habarlaǵan. Petropavldyń krımınaldyq polısııasy garajdyń qańqasyn metall synyqtaryn jınaıtyn tirekten tapqan. Al ony ótkizgen Petropavldyń 1987 jyly týǵan turǵyny ustaldy. Ol garajdy tústi metall retinde bólshektep, 130 myń teńgege ótkizip jibergen eken. Qazir buryn sottalǵan petropavldyqtyń ústinen qylmysty is qozǵaldy.
PETROPAVL