Jambyl oblysynyń ıývenaldyq polısııasynyń qyzmetkerleri 16 jáne 22 qarasha aralyǵynda kezekti reıdtik is-sharalaryn ótkizip, shara barysynda qańǵybastyǵy úshin 75 kámeletke tolmaǵan jasóspirim ishki ister organdaryna jetkizilgen. Oblystyq polısııa departamenti baspasóz qyzmetiniń habarlaýynsha, onyń ishinde 2 jasóspirim kámeletke tolmaǵandardy beıimdeý ortalyǵyna ornalastyrylǵan. Sonymen qatar, ákimshilik jaýapkershilikke 129 ata-ana jáne basqa da eresek adamdar tartylǵan.
Balalaryn tárbıeleý boıynsha mindetin oryndamaǵany úshin 3 ata-ana, 8 kámeletke tolmaǵan jasóspirimderdiń túngi mezgilde kóńil-kóterý oryndarynda bolýyna jol bergeni úshin 7 kafe-bar jáne meıramhana ıeleri, Qazaqstan Respýblıkasynyń alkogol ónimderin satý erejelerin buzǵany jáne temeki men temeki ónimderin 21 jasqa tolmaǵan tulǵalarǵa satqany úshin 2 dúken ıesi jáne kámeletke tolmaǵandardyń kóńil kóterý oryndarynda bolǵany jáne 67 jasóspirimniń túngi mezgilde turǵyn úıden tys jerde bolǵany úshin 75 zańdy ókil jaýapqa tartyldy. Odan basqa Qazaqstan Respýblıkasy Ákimshilik-quqyqbuzýshylyq týraly Kodekstiń basqa da baptary boıynsha 44 hattama toltyryldy. Sondaı-aq, ishki ister organdarynyń esebine 8 kámeletke tolmaǵan jasóspirim jáne 6 jaısyz otbasy qoıyldy. «Jasóspirimder qylmystylyǵynyń profılaktıkasy Polısııa departamenti jergilikti polısııa qyzmeti basqarmasy basshylyǵynyń árdaıym erekshe baqylaýynda. Osy toptyń kúndelikti jumysy – qoǵamda quqyqbuzýshylyqtarǵa múldem tózbeýshilikti qalyptastyryp, sondaı-aq, kámeletke tolmaǵandar tarapynan jáne olarǵa qatysty zańsyz áreketterdi boldyrmaý jáne olardy eskertý», deıdi oblystyq Polısııa departamenti jergilikti polısııa qyzmeti basqarmasy ıývenaldyq polısııa tobynyń ınspektory Núrken Abdýllın.
Jambyl oblysy