Aqmoladaǵy ahýal jaqsaryp keledi

Oblys boıynsha osy jyldyń 1-17 qarasha aralyǵynda koro­navırýs ınfeksııasymen aýyr­ǵandar sany 871 adamǵa jetti. Naý­qastardyń basym kópshiligi, ıaǵnı 517-si Kókshetaý qalasynda tir­kelip otyr. Odan soń Step­nogor qalasy. О́ńirdegi saralaý qory­tyndylarynda Kókshetaý men Stepnogorsk qalalary jáne Sandyqtaý aýdany «qy­zyl aımaqta» tur. Sonymen bir­ge indet órship turǵan bul óńir­lermen Býrabaı jáne Zerendi aýdan­dary deńgeıles. Al «sary aı­maqta» Astrahan aýdany tur. Qal­ǵan aýdandar jasyl aımaqqa enipti. Jýyrda Memleket basshysy Qasym-Jomart Toqaev oblys­ta indetti jasyrý faktileriniń bar ekenin eskertken bolatyn.

– Naýryz aıynan beri alatyn bolsaq, indettiń anyqtalýy týraly aqparattardy ulttyq saraptama ortalyǵy ǵana derekqorǵa engizetin, keıin mun­daı testileýdi «Olımp» klı­nıkalyq-dıagnos­tıkalyq emhana­sy da júrgize bastady. Odan keıin basqa da la­boratorııalar qosyldy. Olar­dyń barlyǵy bir derekqorǵa málimetterdi birden engizip otyrýy tıis. Alaıda joǵaryda aıtyp ótkenimizdeı, ýaqytynan keshiktirip otyrǵan. Sondaı-aq sýbektıvti turǵydan da ol­qylyqtar oryn aldy. Bul rette medısınalyq uıymdar da shu­ǵyl jaǵdaılardy ýaqytynda jetkizbegen. Aqyly túrde tekse­risterden ótkender boıynsha da aqparattar ýaqyty berilmegen. Qazirgi ýaqytta biriktirilgen aqpa­rattyq derekqordy jetil­dirý boıynsha jumystar jasalyp, anyqtalǵan faktiler boıynsha málimetterge salystyrýlar júrgizilýde, – deıdi A.Mýsına.

Sońǵy aptada oblysta in­dettiń taralýy azdap bolsyn tó­men­dep otyr. О́tken táýlikte 41 oqıǵa tirkelgen. Onyń 30-yn­da indet belgileri baıqalsa, 11-inde sımptomsyz túrde ótýde. Dert­ti juqtyrǵandardyń 22-si – Kókshetaý, 5-eýi – Stepnogor qa­lasynda. Astrahan, Býrabaı aýdandarynda 4 oqıǵadan tir­kelgen, Sandyqtaýda – 3, Se­lınogradta – 2, Zerendide 1 jaǵ­daı anyqtaldy. Sonymen birge vırýstyq pnevmonııa boıynsha eki oqıǵa Selınograd pen Aqkól aýdandarynda anyqtalyp otyr.

Oqý jyly bastalǵaly oblys­ta 47 oqýshy aty jaman in­det­ke shaldyqqan. Olardyń 11-i dá­s­túrli rejimde oqyp júrgender bol­sa, qalǵany – qashyqtan bi­lim alyp jatqandar. Al mek­tep­ke deıingi uıymdarda 20 búl­­dirshinnen indet anyqtaldy. Munda da basym bóligi, ıaǵnı 15-i – Kókshetaý qalasynda, qal­ǵany – Astrahan, Arshaly, Bý­rabaı, Jarqaıyń aýdandarynda. Bilim mekemelerinde tıisti sa­nıtarlyq-epıdemııalyq sharalar uıymdastyrylyp, ka­rantındik talaptar boıynsha shek­teýler qoldanylǵan. Osyǵan oraı qazirgi ýaqytta 193 adam úı karantıninde em qabyldaýda.

A.Mýsınanyń aıtýynsha, Kókshetaý men birneshe aýdannyń mek­tepterine engizilgen karan­tındik shekteýlerdi jeńildetý, olar­daǵy ári qaraıǵy oqý rejimi boıynsha másele oblystyq bilim basqarmasymen birlese qarastyrylýda. Oblystaǵy 6 laboratorııada koronavırýs juqpasyn anyqtaý boıynsha kúnine 1600-1800 zertteý júr­gizilip jatyr. Sonymen qatar bul laboratorııalar aqyly tekserýler de qolǵa alynǵan. Qazirgi ýaqytta óz erkimen baryp, PTR testini aqyly ótip jatqandar sany kóbeıgen. Osylaısha aqyly testiden ótken 9 myńǵa jýyq adamnyń 228-inen indet anyq­talypty.

Búginde oblys boıynsha­ indettiń ekinshi tolqynyna ázir­­lengen tósektik oryndardyń 28 paıyzy kádege asýda. Indet juq­tyrýshylar sany azaıyp kele jat­qandyqtan, keıbir qoǵamdyq tamaqtaný, azyq-túlik dúkenderi sekildi mekemelerdiń jumys ýaqytyn uzartý boıynsha sońǵy qaýlyǵa ózgertýler engizilipti.

Aqmola oblysy