Qart sportshy qatardan qalmaı keledi

Sporttyń, onyń ishinde kú­restiń oblystaǵy damýyna ózindik úlken úles qosqan azamat. Kezinde ol Petropavl qa­­la­lyq partııa komıtetinde qyz­met istegen eki qazaqtyń biri bolǵan edi. Bul jerde de ol d­eneshynyqtyrý men sport sala­synyń damýyn qadaǵalaǵan. О́z isine berik jáne bilikti aza­mattyń ulttyq namysy da jo­ǵary boldy. Ol soltústikte qazaq kúresiniń damýyna zor eńbek sińirdi.

Biz qaladaǵy jalǵyz qazaq mektebinde oqyp, jasós­pirim­derdiń sport mektebindegi kúres seksııasyna qatysyp júrgende Baýyrjan Quljanov aǵamyzdy jıi kóretinbiz. Ol sol tusta kú­reste ǵana emes, ómirde de esh­­kimge esesin jibermeıtin qy­zýqandy azamat bolyp kórinetin.

Elimizdiń táýelsizdik alǵan jyldarynda jańadan qurylǵan, buryn bolmaǵan keden qyzmetin de Baýyrjan Quljanov basqardy. Osynda qyzmetten qol úzbeı júrip, Reseıdiń Keden akademııa­syn da alǵashqylardyń biri bolyp syrttan oqyp bitirdi. Odan ári Jambyl oblystyq keden basqarmasynyń bastyǵy bolyp, keden qyzmetiniń polkovnıgi dárejesinde zeınet demalysyna shyqty.

Qazir onyń atynda oblys­ta jyl saıyn kúresten jarystar ótkizilip turady. Ol Petropavl qalasy men Aqqaıyń aýdanynyń Qurmetti azamaty. «Men qazaq kúresimen aınalysa bastaǵan jyldarda bul kúres bizde múlde damymaǵan edi. Biraq maǵan onyń ádis-tásilderi sonshalyqty jaqyn boldy. Sondyqtan olardyń kóbin aınaǵa qarap otyryp, ózdi­gimnen ıgerip kettim. Sol jyldary alǵash ret Shymkentte respýblıkalyq jarys bolyp, oblystan soǵan jalǵyz ózim baryp, birinshi oryn alyp qaıtqan edim», dep eske alady Baýyrjan Nııazuly. Al qazir bizdiń oblysta kúrestiń osy túrimen myńnan astam jas aınalysady.

Keden qyzmetine kelgenge deıin Baýyrjan Quljanov ishki ister organdarynda qyzmet istegen edi. Jańa qyzmet alǵa­shynda osy organnyń bazasynda qurylǵan. Sol jyldary Baý­keń ishki ister organdarynyń «Dınamo» sport qoǵamyn bas­qardy. Sondyqtan da ony qazir «Dınamo» sport qoǵamy óziniń ardageri dep sanaıdy.

Bıyl «Dınamo» sport qoǵa­mynyń respýblıkalyq Ortalyq keńesi deneshynyqtyrý men sportty nasıhattaý maqsatymen osy taqyrypqa túsirilgen BAQ ónimderine baıqaý jarııa­la­ǵan bolatyn. Sonyń ishinde Sol­­tústik Qazaqstan oblysy Po­­lısııa departamentiniń bas­pa­sóz qyzmeti «Sportsyz kú­nim joq» degen beınerolık túsi­rip, konkýrsqa qatysqan. Bul tu­tasymen «Dınamonyń» arda­geri Baýyrjan Quljanovtyń búgingi sporttyq ómirine arnalǵan sha­ǵyn fılm edi. О́ziniń sportpen bite qaınasqan ómiri týraly aıtqan qart sportshynyń áń­gimeleri óte tartymdy bolyp, ony áleýmettik jelilerde 1700-den astam adam qaraǵan. Sóıtip, osy shaǵyn beı­ne­rolık respýblıkalyq kon­kýrs­ta ekinshi oryn alyp, ony túsirýshiler men basty ke­ıip­kerin ǵana emes, barsha sol­­tústikqazaqstandyqtardy qýa­nyshqa bóledi.

«Baýyrjan Quljanov Sol­tústik Qazaqstan sportynyń eń­bek sińirgen ardagerleriniń biri», – deıdi DShSQ oblystyq fılıaly tóraǵasynyń birinshi orynbasary Talǵat Týǵanbaev. – Ol jas kezinde-aq ulttyq sport – qazaq kúresinen sport she­beri atandy. Kom­somol uıy­mynda, keıin polısııada jumys istedi, «Dınamo» tór­aǵa­synyń orynbasary boldy, keden qyz­metiniń polkovnıgi she­ninde zeınetke shyqty. Baıqaý ja­rııalanǵan kezde biz oılanbas­tan beınerolıktiń ke­ıip­keri bolýǵa Baýyrjan Nııaz­u­lyn tańdadyq. «Sportsyz kúnim joq» qaǵıdasyn ol óz boıyna sińirgen adam. Ol barlyq ýa­qytta da jattyǵýdy tastaǵan emes. Qazirdiń ózinde aýa ra­ıy­nyń qolaısyzdyǵyna da qa­ra­mastan júgirýmen aınalysyp, kóshedegi trenajerlerdiń janynan toqtamaı óte almaıdy».

Baýyrjan Quljanov óz úıin­de Soltústik Qazaqstan spor­tynyń naǵyz jeke murajaıyn jınaqtady. «Sport meniń qa­nymda bar jáne bul beker aı­tylǵan sóz emes», deıdi ózi.

Jaqynda oǵan respýb­lıkalyq konkýrstyń qory­tyn­dysy bo­ıynsha berilgen «Dınamo» DShSQ Ortalyq komıtetiniń II dáre­jeli dıp­lomy tapsyryldy. Júlde ob­lystyq polısııa depar­ta­mentiniń apparattyq jı­na­lysynda tapsyryldy. De­par­tament bastyǵy, polısııa pol­­kovnıgi Marat Tólebaev sport­ty keńinen nasıhattaýǵa qos­­qan úlesi úshin beınerolıkti ja­saǵan «Dınamo» DShSQ SQOF bas mamany Galına Skoryh pen SQO PD ishki jáne syrtqy kommýnıkasııalar bóliminiń bas mamany Erlan Mahmetovke de Alǵys hattar tapsyrdy.

Soltústik Qazaqstan oblysy