Jýyrda Petropavlda jedel aqparat berýshiniń kómegimen mashınasynda bir kılogrammǵa jýyq marıhýana alyp bara jatqan 36 jasar turǵyn ustalyp, sottaldy, dep habarlaıdy Egemen.kz.
Bir kılogramm marıhýana degenińiz úlken kólem, biraq sonyń bárin satpaımyn, tek ózim tutynamyn degenge Petropavl qalasy sotynyń sýdıasy senip, oǵan 85 myń teńge aıyppul ǵana salǵan. Marıhýana 15 polıetılendi túıinshekterge bólinip býylǵan eken, ózi ǵana tutynatyn bolsa esirtkini osylaı bólshekter me edi? Nanǵysy kelse bizdiń qyzyl jaǵalar da, sottar da balasha aldanyp qalady eken ǵoı...
Tasymaldaýshy buryn mashına júrgizý quqynan da aırylǵan adam bolyp shyqty. Ol túgil mashınany ıelenetinin kýálandyratyn qujattary da bolmaǵan. Sot osy buzýshylyqtary úshin oǵan qosymsha 139 myń teńge aıyppul salǵan.
Jyl basynan soltústikqazaqstandyq polıseıler zańsyz aınalymnan 400 kg astam túrli esirtki zatyn tárkiledi. Onyń 350 kg astamy marıhýana, al 1 kg 690 gramy – sıntetıkalyq esirtki, sondaı-aq 372 gramm geroın.