• RUB:
    6.68
  • USD:
    520.93
  • EUR:
    609.07
Basty saıtqa ótý
Aımaqtar 26 Qarasha, 2020

Qyzylordada kásipkerler máseleleri Jol kartasy aıasynda sheshilmek

132 ret
kórsetildi

Kásipkerler palatasy men oblystyq prokýratýra uıymdastyrǵan kezdesýde aımaq kásipkerleri ózekti máselelerin ortaǵa saldy, dep habarlaıdy Egemen.kz.

Sharaǵa Kácipkerler palatasynyń dırektory Ǵalymbek Jaqsylyqov, oblys prokýrory Nurlan Bıjanov, О́ńirlik keńes tóraǵasy Qaırat Boranbaev, múddeli memlekettik organ basshylary men óńir kásipkerleri qatysty.

Kezdesýde qoǵamdyq tamaqtaný salasyndaǵy kásipkerler karantındik rejım ýaqytynda monıtorıngtik toptardyń jumysy qıyndyq týdyratynyn aıtsa, farm salasyndaǵy bıznes ókilderi kórsetken qyzmetterine aqshalaryn ala almaı júrgenderin jetkizdi.

Kásipkerlerdiń ózekti máselesi talqylanǵan májiliste Kásipkerler palatasynyń dırektory Ǵalymbek Jaqsylyqov pen oblys prokýrory Nurlan Bıjanov kásipkerlik salasyndaǵy problemalyq suraqtardy sheshýge arnalǵan Jol kartasyna qol qoıdy.

Jol kartasynda karantın sharalarynyń saqtalýyn baqylaý jónindegi monıtorıngtik toptar qyzmetiniń zańdylyǵyna, memlekettik satyp alý salasyndaǵy ákimshilik kedergilerdi, jer ýchaskeleriniń  paıdalaný maqsatyn ózgertýge baılanysty problemalyq suraqtar, jeke kásipkerlik sýbektilerine júrgizilgen tekserýlerdiń zańdylyǵyna baǵa berý qarastyrylýda.

Aıta ketý kerek, Kásipkerler palatasy zańgerleri kásipkerlerge quqyqtyq, advokattyq qyzmetterdi belsendi júrgizýde. Aýyzsha keńes alyp, quqyqtyq kómek alǵan kásipkerlerdi qospaǵanda, bıyl palataǵa resmı quqyǵyn qorǵaýdy suraǵan 230 aryz túsken.