Ot jaǵyp, kúl shyǵarǵysy kelmeıtin turǵyndardyń qýanyshynda shek joq. Oblys ákimi Qumar Aqsaqalov Qyzyljar aýdanynyń ortalyǵy Beskól selosyna jumys saparymen barǵanda osyndaı úılerdiń ıelerin ortalyq qazandyqqa qosylýlarymen quttyqtady, dep habarlaıdy Egemen.kz.
Sonyń ishinde Beskól selasynyń turǵyny Olga Sklıarovanyń úıine kirip, jylýdyń ortalyqtandyrylǵanyn óz kózimen kórip, áleýmettik jelidegi paraqshasyna bylaı dep jazdy: «Men úı ıesiniń qatty qýanyp otyrǵanyn kórdim. Endi Olga Valentınovna otyn, kómir satyp almaıdy, ot jaǵýmen ýaqytyn ótkizbeıdi. Osynyń ózi ol kisiniń otbasylyq bıýdjetine ájeptáýir kiris keltirip tur. Onyń ústine úı jyly ári taza».
Jalpy, sońǵy eki jylda osy Beskól selosyndaǵy 85 úıdiń 56 ortalyq qazandyqqa qosylǵan. Qalǵandary úıine jylýdy 2021 jyly ótkizedi. Sonymen qatar osy eldimekendegi 20 áleýmettik nysan, 20 jekemenshik úı men 4 dúken ortalyq qazandyqqa qosylyp, bir jerden jylytylady. Aldaǵy ýaqytta mundaǵy Ońtústik-Shyǵys móltekaýdanynda jańadan ekinshi jylý júıeleriniń ortalyǵy salynbaqshy. Ol jylýmen 100-den artyq úıdi qamtamasyz etetin bolady.
Kópqabatty úılerdiń ortalyq jylý júıelerine qosylýlary Beskól ǵana emes, Sergeev, Iаvlenka selolarynda da qarastyrylyp otyr. Ázirge sońǵylarynda 1 úı qosyldy. Sonymen barlyǵy 57 úı ortalyqtandyrylǵan jylýǵa qol jetkizdi. Bul barlyǵy 2,1 myń turǵyn ortalyqtandyrylǵan jylý júıesine qol jetkizdi degen sóz.
Soltústik Qazaqstan oblysy