SQO Taıynsha aýdanynda qaraýsyz júrgen bir tabyn jylqynyń birin «MAZ» júk kóligi soǵyp, mert qyldy. Oqıǵa «Petropavl-Kókshetaý» trassasyndaǵy «Obýhovo» selosynyń túbinde bolǵan. Júrgizýshi oqıǵany dereý «102» nomerine habarlaǵan, dep habarlaıdy Egemen.kz.
Jedel jetken patrýldik polısııa kóp keshiktirmeı jylqynyń ıesin de anyqtady. Endi oǵan jylqysynan aırylǵan ǵana emes, malyn qaraýsyz jibergeni úshin aıyppul da salynatyn bolady.
Jyl basynan beri mundaı oqıǵa SQO-da júz shaqty ret bolyp, 300-deı adamǵa (onyń ishinde baqtashy da bar) aıyppul salynǵan. Maldy soǵyý barysynda eki adam jaraqat alǵan.