Joǵalǵan buzaýyn izdeýge shyqqan Soltústik Qazaqstan oblysy Qyzyljar aýdanynyń turǵyny aýyldardyń arasynda adasyp ketken. Bul jaıynda ol qaltafonmen týystaryna habarlaǵan. Al týystary Qyzyljar aýdanynyń polısııa bólimine júgingen.
Adasqan Prıbrejnoe aýylynyń 46 jastaǵy turǵyny eken. Ol joǵalǵan malyn izdeý úshin úıinen tańǵy 7-ler shamasynda shyǵyp, adasyp ketkenin ańǵarmaı qalǵan. Birneshe saǵat boıy adasqan ol kómekke júgingen.
Eki saǵat boıy shym-shytyryq izben jumys isteý nátıjesinde polıseıler er adamdy tapty. «Kún sýyq boldy. Eń bastysy, onyń bizben habarlasyp otyrýy mańyzdy boldy. Biz oǵan uıaly telefonynyń qýatyn saqtaý úshin ony jyly jerde ustaýyn suradyq», - deıdi aýyldan 15 shaqyrym uzap ketken turǵynmen sóılesken jedel ýákilder.
Soltústik Qazaqstan oblysy