Soltústiktiń qytymyr qysynda dalada turyp qalǵan Oral qalasynan júkpen kelgen «Volvo» fýrasynyń júrgizýshisi 47 jastaǵy Salaýat (tegi kórsetilmegen) SQO polısııasyna alǵys aıtyp, qońyraý shalǵanda osylaı degen. "Jezqazǵan-Petropavl" avtojolynyń Nıkolaevka aýylyna jaqyn mańda benzın nasosy isten shyǵyp turyp qalǵan oǵan PPB qyzmetkerleri Qýandyq Toqbaev pen Bahtııar Alpyspaev qana kómek bergen, dep habarlaıdy Egemen.kz
"Olardyń jaqyn jerde bolǵany jaqsy boldy. Túnde jolda turý qaýipti, mashına úlken, eshnársege senimdi bola almaısyz, al olardyń «jypylyqtaǵan shamdarymen" ózińe senimdi bolasyń", deıdi Salaýat. Polısııalardyń kómegimen túngi 2-ler shamasynda ǵana onyń kóligi ot alǵan.
Al kelesi aýysymǵa kelgen Meıram Qazıev pen Narasan Ámirjanovtyń ekıpajy jarqyldaýyq maıagin qosyp, fýrany Nıkolaevka aýlyna deıin jetkizgen. Onda júrgizýshige jóndeý jumystaryn júrgizýge qolaıly jaǵdaı jasalǵan.
"27 jyldan beri kólik júrgizgende polıseı kóligin kórgende alǵash ret balasha qýandym", deıdi Salaýat.