Búgingi tańda Soltústik Qazaqstan oblysy turǵyndarynda 13598 qarý tirkelgen. Polıseıler osy arsenal ıelerin turǵylyqty jeri boıynsha únemi tekserip otyrady. Bul qarýly qylmystyń aldyn alý sharalarynyń biri.
Ýchaskelik polısııa ınspektorlary men azamattyq jáne qyzmettik qarýdyń aınalymyn baqylaý bólinisteriniń qyzmetkerleri tekseris júrgizedi. SQO PD Ákimshilik polısııa basqarmasyniń aıtýynsha, qarý-jaraq saqtaý erejelerin buzý kóbinese reıd barysynda anyqtalady. «Qarýdy belgilengen úlgidegi seıfte saqtaý kerek: qabyrǵalarynyń qalyńdyǵy keminde 3 mm. jáne edenge nemese qabyrǵaǵa myqtap bekitilýi tıis, Mundaı seıfte qarý men onyń oq-dárilerinen basqa zattardy saqtaýǵa bolmaıdy. Aqsha, qundy zattar men qujattardy basqa jerde saqtaǵan jón. Oblys ortalyǵynyń turǵyndary mindetti túrde sıgnalızasııa ornatýlary tıis», deıdi azamattyq jáne qyzmettik qarý aınalymyn baqylaý bóliminiń erekshe tapsyrmalar jónindegi aǵa ınspektory polısııa maıory Qurman Mýsın.
Jyl basynan beri 544 adam azamattyq jáne qyzmettik qarýdy alý, saqtaý nemese tasymaldaý erejelerin buzýǵa jol bergen. Sonymen birge azamattyq jáne qyzmettik qarý aınalymyn baqylaý bólinisteriniń qyzmetkerleri men ýchaskelik ınspektorlar zańsyz saqtalǵan 61 qarýdy tárkilegen.