SQO Taıynsha aýdany polısııa bóliminiń qyraǵy qyzmetkerleri Chkalov selosynyń mańyndaǵy alqapta turǵan kúdikti kólikti baıqaǵan. Kólikti tekserý kezinde onyń júrgizýshisi men eki jolaýshysy qashyp qutylmaq bolǵan, dep habarlaıdy Egemen.kz.
Qashqyndardyń ekeýi oqıǵa ornynda, al taǵy bireýi kelesi kúni ustaldy. Kóliktiń júksalǵyshynan aýylsharaýashylyq tehnıkalarynyń qosalqy bólshegi men metall buıymdar tabyldy. Atalǵan múlik aýdandaǵy aýylsharýashylyq qurylymdardyń birine tıesili ekendigi, ony qaskóıler tereze arqyly qoımaǵa enip urlaǵany belgili boldy. Kúdiktiler – 19, 20 men 25 jas aralyǵyndaǵy aýdan turǵyndary. Olardyń ishindegi jasy úlkeni buryn múliktik qylmys jasaǵany úshin qylmystyq jaýapqa tartylǵan.
Qazir olardyń ústinen Qylmystyq kodekstiń «Urlyq» baby boıynsha is qozǵalyp, mindetti kelý túrindegi bultartpaý sharasy belgilendi.