Petropavldyń 25 jastaǵy áıel turǵyny ınternet arqyly jıhaz satýǵa habarlandyrý bergen. Kóp keshikpeı «alýshy» habarlasyp, ádemi sóılep, «aqsha aýdarý úshin» qyzdyń jeke derekterin suraıdy. Birshama ýaqyttan keıin Vatsap arqyly «alýshy» qaıta habarlasyp, bul kartaǵa aqsha aýdarý múmkin bolmaǵanyn, sondyqtan basqa bir karta bolsa aıtýdy ótingen. О́ıtkeni, onyń kartasynda urlaıtyn aqsha bolmaǵan bolýy kerek, dep habarlaıdy Egemen.kz.
Taýarynyń jaqsy baǵaǵa ótetinine qýanǵan qyz qurbysynan óziniń derekterin berýdi suraıdy. Dosy aıtqan soń amal bar ma, ol qyz da ońaı kónip, barlyq derekterin bere salǵan. «Alýshy» oǵan taǵy habarlasyp, SMS-pen keletin sandardy da aıtýdy ótingen. Bárin bergen qyz óziniń banktegi depozıtinen 1 mln 300 myń teńgeniń joq bolyp ketkenin bir-aq kórip, sanyn soǵady.
Alýshynyń alaıaq ekenin sonda ǵana bilgen qyzdar polısııaǵa qaırylýǵa májbúr bolǵan. Jyl basynan beri bul oblys aýmaǵynda tirkelgen 375-shi ınternet – alaıaqtyq bolyp otyr.