Soltústik Qazaqstan oblysynda kámeletke tolmaǵan eki qyzyn baǵyp-qaǵýdan bas tartqan áıel tabyldy, dep habarlaıdy Egemen.kz.
Soltústik Qazaqstan oblysy Músirepov aýdanyndaǵy kóshi-qon qyzmetkerleri Qostanaı oblysyndaǵy áriptesterimen ózara qarym-qatynas júrgizý nátıjesinde kámeletke tolmaǵan eki qyzyn baǵyp-qaǵýdan bas tartyp, ákecine tastap ketkeni úshin sot sheshimimen alıment tóleýge tıisti 43 jastaǵy áıeldi izdep tapty.
Áıeldiń 2015 jyldan bergi qaryzy 600 myń teńgeden asyp ketken.
«9-11 jeltoqsan aralyǵynda biz alıment tóleýge májbúrleý sharalary qoldanylǵan adamdardy izdeý jumystaryn izdeýdi kúsheıttik. Tabylǵan adamdar týraly barlyq aqparatty biz sot oryndaýshylaryna qaryzdy óndirip alý úshin jiberemiz», - deıdi Soltústik Qazaqstan oblysy PD Kóshi-qon qyzmeti basqarmasynyń bastyǵy Talǵat Ábilov.
Al Qazaqstandaǵy bank aldyndaǵy qarjylyq mindettemeleri bar 40 jastaǵy er adamnyń turǵan jeri Reseı Federasııasynyń Omby qalasynda anyqtalǵan. Aksııanyń birinshi kúni 3 alıment tólemegenniń jáne 4 boryshkerdiń turǵylyqty mekenjaıy anyqtaldy.