Qyzylorda oblysy aýmaǵynda jol qozǵalysy qaýipsizdigin qamtamasyz etý maqsatynda patrýldik polısııa qyzmetkerleri oqys oqıǵalardyń aldyn alý úshin táýlik boıy kúsheıtilgen rejimde jumys jasaýda, dep habarlaıdy Egemen.kz
9 jeltoqsan kúni Aqtaý qalasynyń turǵyny Nursultan Nurmaǵabetov áleýmettik jeliler arqyly tikeleı efırde Qyzylorda oblysy PD patrýldik polısııa rotasynyń qyzmetkerlerine jolda kórsetken kómegi úshin alǵysyn bildirdi. Júrgizýshi Aqtaýdan Shymkent qalasyna kele jatqan.
Aýa raıynyń kúrt sýytýyna baılanysty kóligi buzylyp, ol «Shymkent-Samara» tas jolynyń 1781 shaqyrymynda toqtaýǵa májbúr bolypty.
Úsh kún boıy Qyzylorda oblysy PD patrýldik polısııa rotasynyń ınspektory polısııa aǵa leıtenanty Rýslan Muhanbetov pen polısııa aǵa leıtenanty Jomart Baıbol jolda qalyp qoıǵan júk avtokóliginiń júrgizýshisine kómek beredi. Polıseıler aqaýlardy joıýǵa, qajetti qosalqy bólshekterdi jetkizýge kómek kórsetip, kúndelikti ystyq as jetkizip otyrypty.
Qyzylorda oblysynyń Polısııa departamenti júrgizýshilerge kún raıy qubylyp turǵan qazirgideı sátte barynsha muqııat bolýdy eskertedi. Uzaq saparǵa shyǵar aldynda avtokóliktiń tehnıkalyq jaǵdaıyn tekserip, oqys oqıǵalar oryn alǵan jaǵdaıda shuǵyl qyzmetterge nemese polısııaǵa qońyraý shalǵan jón.