Qorqyt Ata atyndaǵy Qyzylorda ýnıversıtetinde Abaı Qunanbaıulynyń 175 jyldyq mereıtoıyna arnalǵan halyqaralyq ǵylymı-tájirıbelik konferensııa bolyp ótti. Aqyl-oıdyń bıigine shyqqan hákim Abaıdyń áli de jumbaq álemine arnalǵan is-sharaǵa stýdentter, magıstranttar men doktoranttar qatysty, dep habarlaıdy Egemen.kz
Bıyl aqynnyń mereıtoıy ár óńirde óz deńgeıinde atalyp ótilýde. Sondaı-aq birneshe shet memleketterde Abaı ortalyqtary ashylyp, jumystaryn bastady.
Syr boıyndaǵy qara shańyraq – Qorqyt Ata atyndaǵy Qyzylorda ýnıversıteti uıymdastyrǵan «Abaı murasy – jalpyadamzatttyq qundylyq» atty halyqaralyq ǵylymı-tájirıbelik konferensııada akademık Ǵ.Esim, L.N.Gýmılev atyndaǵy Evrazııa Ulttyq ýnıversıtetiniń professory, fılologııa ǵylymdarynyń doktory S.Negımov, ál-Farabı atyndaǵy Qazaq Ulttyq ýnıversıteti «Turan-Iran» ǵylymı zertteý ortalyǵynyń dırektory, fılologııa ǵylymdarynyń doktory, professor I.Jemeneı Abaıdyń jumbaq álemi jaıly aıtyp ótti.
Qajy Baıram Velı ýnıversıtetiniń professory, PhD doktor G.Qurmanǵalıeva – Erdjılasýn, M.H.Dýlatı atyndaǵy Taraz óńirlik ýnıversıteti «Dýlatıtaný» ǵylymı zertteý ınstıtýtynyń dırektory, fılologııa ǵylymdarynyń doktory S.Qulbaraq, Abaı atyndaǵy Qazaq ulttyq pedagogıkalyq ýnıversıteti «Hakim Abaı» ǵylymı zertteý ortalyǵynyń dırektory, fılologııa ǵylymdarynyń kandıdaty J.Shoıynbet, Qorqyt Ata atyndaǵy Qyzylorda ýnıversıteti «Qorqyttaný jáne ólke tarıhy» ǵylymı zertteý ınstıtýtynyń dırektory, fılologııa ǵylymdarynyń doktory B.Káribozuly hakim Abaı danalyǵy, onyń qazaq ádebıetindegi orny, shyǵarmalaryndaǵy Quran qaǵıdattary, túrki-parsy aqyndary, modernızm, qarasózderiniń tanymdyq sıpaty, jastar tárbıesi jáne rýhanı reformatorlyq tulǵasy jaıynda baıandama jasady.