Táýelsizdigi kúni qarsańynda Soltústik Qazaqstan oblystyq Polısııa departamentinde 70-ten astam ardagerler, volonterlar, sondaı-aq óńirdegi sharýa qojalyq basshylary marapattaldy.
2020 jyly polıseıler alǵashqy ret jerlesterimizdiń qaýipsizdikterin ǵana emes, densaýlyqtaryn saqtaýda alǵy shepte turdy. Bul jaýapty jumysta volonterlar men jurtshylyq zor kómek kórsetti. Oblystyq polısııa basshysy polısııa polkovnıgi Marat Tólebaev: «polıseılerdiń erlikteri men batyldyqtaryn el basshylyǵy joǵary baǵalaýda jáne azamattardyń qurmetine ıe. Sondyqtan aldaǵy ýaqytta da ár qyzmetker ortaq elimiz – Qazaqstan Respýblıkasy ıgiligine múltiksiz qyzmet etip, halyq senimin tolyq aqtaýǵa mindettimiz», dedi.
Ortaq iske kómektesken eriktiler Svetlana Levchenko, Roman Sharypov, Ksenııa Mokrınskaıa, sondaı-aq IIO ardageri Petr Aksenov PD basshysynyń marapattaryna ıe boldy. Marapattaý kezinde bas polıseı eriktilerdiń joǵalǵan azamattardy izdeýde aýqymdy jumys júrgizgenin jáne basqa da mańyzdy tapsyrmalardy oryndaýda kómek kórsetkenin eńbegin joǵary baǵalady.
Marapattan sharýa qojalyqtary basshylary da nazardan tys qaldyrmady. Aýa-raıynyń qolaısyzdyǵy kezinde adamı jáne tehnıkalyq resýrstardy qajet etetin joldardaǵy fors-major jaǵdaılardaǵy kórsetken kómekteri úshin Aqqaıyń jáne Qyzyljar aýdandarynyń JShS dırektorlary Qaırat Qasqyrbaev pen Leonıd Rapasevıchke alǵys hattar tabystaldy.
Sondaı-aq, Táýelsizdik kúni qarsańynda 8 ofıser men serjant arnaıy ataqtaryn aldy. Aqparattandyrý jáne baılanys basqarmasynyń bastyǵy Alekseı Dementevke «polısııa polkovnıgi», prosessıngtik ortalyqtyń bastyǵy Áset Mátenge «polısııa podpolkovnıgi» ataqtary merzimderinen buryn berildi.
Soltústik Qazaqstan oblysy