«Meniń týym, meniń Otanym!» buqaralyq chellendji aıasynda Qyzylorda oblysynda barlyǵy 40 nysanǵa júzdegen memlekettik tý ilindi. Sondaı-aq, barlyq aýdanda avto, velo jáne attylar sherýi ótkizildi.
Syrdarııa aýdanynda uıymdastyrylǵan attylar sherýine 30 shabandoz qatysyp, kenttegi kóshelermen júrip ótti.
– Patrıottyq shara ásirese jastar úshin asa qajet. Kóshe boıymen kók baıraǵymyzdy alyp júrý arqyly biz el birligi myǵym, tatýlyǵymyz turaqty ekenin dáripteımiz, – deıdi atty sherýge qatysýshy Hamzat Keńesbaev.
Barlyq aýdanda uıymdastyrylǵan sherýlerde jastar elimizdiń kók baıraǵyn ulyqtaýda. Mereke kúnderi bul sharalar laıyqty jalǵasyn tabady.