Freedom Holding Corp. (Nasdaq: FRHC) 18 jeltoqsanda Qarjy ınstıtýttarynyń qyzmetin retteý jónindegi agenttiktiń (FINRA) tarapynan turaqty múshelik quqyǵyna ótinimdi maquldaǵannan keıin Prime Executions Inc brokerlik-dılerlik kompanııasyn satyp alady, dep jazady Egemen.kz
Mámileni jabý otyz kúntizbelik kún ishinde josparlanyp otyr. Prime Executions kompanııasyna satyp alý Holdıngtiń álemdik ornyn keńeıtip, AQSh-ta damýy úshin jaǵdaılar jasaıdy.
SEO, Freedom Holding Corp. jetekshisi Tımýr Týrlov Biz Prime Executions Inc. kompanııasyn satyp alǵanymyz jaıynda qýana habarlaıtynyn, bul kompanııanyń Nıý-Iork qor bırjasynda bedeli joǵary ári biz sońǵy 30 jylda klıentterge joǵary sapaly qyzmet kórsetetin, naryqtyń myqty brokerleri men sarapshylarynan quralǵan komandamen jemisti yntymaqtastyq qatynasqa úmittenetinin aıtty.
– Atalǵan mámile Freedom Holding Corp. úshin mańyzdy jaǵdaı. Sebebi bul mámile arqyly biz AQSh naryqtaryna shyǵa alamyz jáne, sáıkesinshe, óz klıentterimizge naryqtyq mámilelerdi tıimdi ári ýaqtyly jasaıtynyna kepildik beremiz. Biz úshin bul – úlken maqtanysh, sebebi qadaǵalaýǵa jaýapty amerıkalyq rettegish AQSh-tyń ishki naryǵynyń klıentterimen jumys jasaýǵa múmkindik týdyryp otyr. Prime Executions Inc. kompanııasyn satyp alyp, AQSh jáne Eýrazııa naryǵynyń qatysýshylaryna naryqaralyq qarjy múmkindikterin usyna otyryp, óz bıznesimizdi keńeıte alamyz degen úmittemiz, – deıdi ol.
Holdıng Prime Executions Inc. kompanııasynyń aınalystaǵy aksııalaryn Kompanııanyń Dırektorlar keńesi múshesi retinde jumysyn jalǵastyrýshy Endrıý Sılvermannan jáne Denıel Tendıden satyp aldy.
Prime Executions Inc. kompanııasynyń Prezıdenti jáne Bas atqarshýy dırektory laýazymyna Robert Votzıak taǵaıyndaldy. Votzıak myrzanyń NYSE basqarýshy laýazymdary kiretin, kapıtal jáne ákimshilik basshylyq etý naryqtarynda konsýltasııa berýde 30 jyldyq tájirıbesi bar. Robert Votzıak kompanııada sońǵy eki jylda konsýltant retinde qyzmet atqardy jáne Prezıdent laýazymynda bıznesti odan ári damytýmen aınalysady.
Bir aıta keterligi, Freedom Holding Corp. kompanııasy MSCI U.S. Small Cap 1750 jáne MSCI U.S. Investable Market 2500 ındeksterine kirgizilgen bolatyn. MSCI U.S. Small Cap 1750 ındeksi az kapıtaldandyrý segmentiniń tıimdiligin ólsheıdi. Ol 2003 jylǵy 27 naýryzda iske qosyldy jáne AQSh-tyń qor naryǵynda anaǵurlym keń U.S. Investable Market 2500 ındeksinde qalǵan eń az 1750 kompanııadan turady. Áıgili qor ındeksiniń tiziminde bolý - Freedom Holding Corp kompanııasynyń moıyndalǵanyn jáne oǵan degen halyqaralyq deńgeıde senimdilikti bildiredi.
FINRA (Financial Industry Regulatory Authority) nemese Qarjy ınstıtýttarynyń qyzmetin retteý jónindegi agenttik bul – AQSh-ta eń iri, táýelsiz rettegish uıymdardyń biri. FINRA 2007 jyly quryldy jáne kún saıyn mıllard naryqtyq jaǵdaıǵa taldaý júrgize otyryp, búkil el boıynsha 624 000 astam brokerdiń jumysyn baqylaıdy. Agenttik naryqty muqııat qadaǵalap, ınvetostorlarǵa, rettegish organdarǵa, saıasatkerlerge jáne basqa da múddeli taraptarǵa aıtarlyqtaı qoldaý kórsetý úshin, jasandy ıntellektiniń jáne mashınalyq oqýdyń ınnovasııalyq tehnologııalaryn paıdalanady.
Prime Executions Inc. bul – AQSh-tyń Baǵaly qaǵazdar jáne bırjalar jónindegi komıssııasynda tirkelgen, NYSE, NASDAQ, FINRA jáne SIPC múshesi bolyp tabylatyn brokerlik-dılerlik kompanııa. Kompanııa 1986 jyly quryldy jáne qazirgi ýaqytta aıyna ortasha eseppen alǵanda 630 mln aksııaǵa saýda-sattyq júrgizý úshin kóptegen alańǵa kirýge múmkindigi bar. Kompanııada bilikti qyzmetkerler jumys isteıdi jáne ınvestorlardyń keńeıtilgen aıasynyń qajettilikterin qanaǵattandyrý úshin barlyq qoljetimdi tehnologııasy bar. Kompanııa jaıynda qosymsha aqparatty www.primexe.com veb-saıtynda tabýǵa bolady.
Freedom Holding Corp. bul qarjy qyzmetin, bólshek brokerlik operasııalardy, ınvestısııalar máseleleri boıynsha konsýltasııa berýdi, baǵaly qaǵazdardyń saýda-sattyǵyn, ınvestısııalyq-banktik jáne anderraıtıngtik qyzmetterdi óziniń «Freedom Finance» enshiles kompanııasy arqyly júzege asyratyn holdıng. Kompanııa Qazaqstan qor bırjasynyń (KASE), Astana International Exchange (AIX), Máskeý bırjasynyń (MOEX), Sankt-Peterbýrg bırjasynyń (SPB), «Toshkent» Respýblıkalyq qor bırjasynyń (UZSE) jáne Ýkraına bırjasynyń kásibı qatysýshysy bolyp tabylady. Kompanııanyń bas ofısi Qazaqstanda, Almaty qalasynda ornalasqan, al onyń ákimshilik ofısteri Reseıde jáne AQSh-ta ornalasqan. Kompanııanyń Qazaqstanda, Reseıde, Qyrǵyzstanda, Ýkraınada, О́zbekstanda, Germanııada jáne Kıprde fılıaldary bar.
Búgingi kúni Holdıngtiń jaı aksııalary Nasdaq Capital Market bırjasynda, Qazaqstan qor bırjasynda jáne Sankt-Peterbýrg bırjasynda saýda-sattyqqa túsedi.