Qyzylorda qalasy Polısııa basqarmasy qyzmetkerleri bul maqsatta jedel-izdestirý sharalaryn júrgizdi. Nátıjesinde oblys aýdandarynyń birinde turatyn 34 jastaǵy azamat pen onyń oblys ortalyǵynda turatyn 30 jastaǵy sybaılasy qolǵa tústi, dep habarlaıdy Egemen.kz.
Olar keshki ýaqytta úı ıeleriniń joqtyǵyn paıdalanyp, plastık terezelerin syndyryp, aqsha, zergerlik buıymdardy urlaǵan. Kúdikti azamattar qazan aıynan bastap birneshe páterdi osylaısha úptep ketken.
Jábirlenýshilerge keltirilgen materıaldyq jáne múliktik shyǵyndar 6 mıllıon teńgeden asyp otyr. Polıseıler kúdiktilerdiń basqa da urlyqtarǵa qatysy bar ekendigin anyqtady. Olar ýaqytsha ustaý ızolıatoryna qamaqqa alyndy.
Qazir Qazaqstan Respýblıkasy Qylmystyq kodeksiniń 188-baby 3-bóliginiń 1,2,3-tarmaqtarymen (Urlyq, ıaǵnı bótenniń múlkin iri mólsherde adamdar tobynyń sóz baılanysýymen turǵyn úı jaıǵa zańsyz kirý arqyly birneshe ret jasyryn jymqyrý) jáne 291-baby 3-bóliginiń 4-tarmaǵymen (Qarýdy, oq-dárilerdi adamdar tobynyń aldyn ala sóz baılanysýymen jymqyrý) sotqa deıingi tergep-tekserý jumystary júrgizilýde. Qos kúdiktiniń bul «joryqtary» bıylǵy aqpan aıynda qylmystyq zańnamaǵa engizilgen ózgeristerge sáıkes birneshe ret jasalǵan urlyq aýyr qylmys sanatyna jatqyzylady. Endi taraptardyń tatýlasýyna baılanysty qylmystyq is toqtatylmaıdy. Ondaı qylmys jasaǵandar 12 jylǵa deıin bas bostandyǵynan aıyrylady.