Qazaly aýdanaralyq aýrýhanasynda zamanaýı qural-jabdyqtarmen jabdyqtalǵan ottegi stansııasy ashyldy, dep habarlaıdy Egemen.kz.
Aýdandar arasynda alǵashqy bolyp ashylǵan stansııaǵa aýdan ákimi Murat Ergeshbaev pen oblystyq densaýlyq saqtaý basqarmasynyń basshysy Sábıtbek Pazylov arnaıy kelip, medısına salasy qyzmetkerleriniń qýanyshyn bólisti.
«Endi bizdiń dárigerler ottegi tapshylyǵyn sezinbeıdi. Bul stansııanyń bizdiń aýdannan bólek, kórshiles Aral men Qarmaqshy aýdany jáne Baıqońyr qalasyna ottegi jiberýge múmkindigi bar. Stansııanyń ashylýyna «PetroQazaqstan Qumkól Resorsız» AQ demeýshilik jasady», dedi Murat Nálqojauly.
Al oblystyq densaýlyq saqtaý basqarmasynyń basshysy Sábıtbek Pazylov dárigerler qoldaý kórsetken aýdan basshysyna alǵysyn aıtty.
Aýdan ákimi Murat Ergeshbaev ottegi stansııasynyń jumysymen tanysyp, zamanaýı qurylǵylardyń múmkindigin kórdi.
Aıta keteıik, ottegi stansııasy saǵatyna 40 tekshe metr ottegi shyǵarady. Shamamen saǵatyna 6 ballon, táýligine 120 ballon óndiredi. Otteginiń tazalyǵy 99.5%, ıaǵnı medısınalyq talapqa saı.