Bir táýlikte koronavırýstan 10 adam qaıtys boldy, dep habarlaıdy Egemen.kz. Densaýlyq saqtaý mınıstrliginiń habarlaýynsha, pnevmonııadan kóz jumǵandar tirkelgen joq.
28 jeltoqsandaǵy aqparat boıynsha, koronavırýs ınfeksııasynan 22 480 adam emdelip jatyr. Naýqastardyń ishinde 5 058 adam stasıonarlarda, 17 422 adam ambýlatorııalyq emdeýde jatyr.
Sonymen qatar naýqastardyń arasynda 245 adamnyń jaǵdaıy aýyr dep baǵalanyp otyr, 48 adamnyń jaǵdaıy asa aýyr. 42 adam jasandy tynys alý apparatyna qosylǵan.
Aıta keteıik, ótken táýlikte 733 adam koronavırýs ınfeksııasyn juqtyrdy.