Mańǵystaý oblysynyń túzeý mekemelerindegi psıholog qyzmetkerler qyzmettik mindetterin adal oryndaǵany, qylmystyq-atqarý júıesin damytýǵa qosqan úlesi úshin QAJ departamenti bastyǵynyń gramotasymen marapattaldy, dep habarlaıdy atalǵan vedomstvonyń baspasóz qyzmeti.
Qazirgi tańda túzeý mekemelerindegi sottalǵandardyń basym bóligi shyndyǵyna kelgende áleýmettik kómekke muqtaj. Túzeý mekemelerinde bul máselelermen mekeme psıhologtary aınalysady.
«Mekeme psıhologtary aldyn ala dıagnostıkalaý jumystaryn karantın úı-jaıynda sottalǵanmen alǵash kezdesken sátten bastaıdy, prosess barysynda basym problemalardy jáne mańyzdy jeke tulǵalyq kelbetterdi anyqtaıdy. Karantın úı-jaıyndaǵy zertteý úrdisinde basym oryn alatyn test túrindegi jáne jobalyq ádisterdiń ár alýandylyǵy, dara ádis retinde psıhologııalyq áńgimelesýler jatady, onyń kómegimen adamnyń ómirindegi psıhologııalyq kórinister týraly derekterdi alýǵa bolady. Bas bostandyǵynan aıyrý oryndaryna alǵash ret kelgen sottalǵandar dıagnostıkalyq zertteý úrdisterine teris pıǵylmen qaraıdy, keıbir kezderde ózderine qaýp tóndiredi degen oımen, testileýge qatysýdan bas tartyp jatady.
Sondyqtan sottalǵandardyń psıhologtarmen kezdesken kezdegi alǵashqy áseri, olardy tekserýge jáne aldaǵy ýaqytta baılanys ornatýǵa aıtarlyqtaı áser etedi. Karantındegi alǵashqy psıhologııalyq áńgimelesý aralas suhbat nysanynda júrgiziledi, sebebi mundaı suhbat jalpy maǵlumattar alýǵa keńinen múmkindik týǵyzady», deıdi GM-172/6 mekemesiniń sottalǵandar arasyndaǵy tárbıe jáne áleýmettik-psıhologııalyq jumys bólimi psıhologııalyq qamtamasyz etý tobynyń aǵa ınspektor-psıhology Kamshat Saıpova.
Sottalǵannyń jeke tulǵasyn zerdeleý – quqyqqa qarsy minez-qulyqtyń aldyn alýǵa, túzeý mekemelerindegi sottalǵandardyń jeke tulǵasynyń oń joldy tańdaýyna tabysty psıhologııalyq jáne pedagogıkalyq yqpal etýdiń, mindetti sharty bolyp tabylady.
Psıhologtar faktilerdi aıqyndaýmen ǵana shektelmeıdi, olar sottalǵandardyń jańa jaǵdaıǵa oıdaǵydaı beıimdelýine kómek kórsetý maqsatynda yqpal etý sharalaryna qatysady.