Júz otyz myń jumys orny ashylady

О́skemen tıtan-magnıı kom­bı­natynyń ujymymen kezdesýde saılaýaldy baǵdarlamanyń negizgi basymdyqtary talqy­landy. Aldaǵy 5 jylda óńirde 130 myń jańa jumys ornyn ashý, 2,5 myń shaqyrym avtojolǵa jóndeý júrgizý, 230-dan astam aýyldyń 100 myńdaı turǵynyn sapaly aýyz sýmen qamtamasyz etý, 30 myń otbasynyń turǵyn úı máselesin sheshý josparlan­ǵan. Sondaı-aq kásiporyndardy jańǵyrtý men qoqys óńdeý keshenderin salý esebinen ekologııany jaqsartý jáne zııandy shyǵaryndylardy keminde 10 paıyzǵa tómendetý boıynsha birqatar shara qolǵa alynady.

Nur Otan ókilderi oblystaǵy Ana men bala ortalyǵyna bardy. Respýblıkalyq saılaýaldy shtab jetekshisi Baýyrjan Baıbek atap ótkendeı, otbasyn qoldaý men nyǵaıtý – eldiń tabys­ty da­mýynyń kepili. Aldaǵy 5 jyl­da otbasyn qoldaý úshin áleý­met­tik tólemder men mem­lekettik járdemaqylar boıynsha barlyq mindettemeniń oryndalýy qam­tamasyz etiledi. Sondaı-aq ınf­lıa­sııa deńgeıin eskere otyryp, áleý­mettik járdemaqylarǵa ın­dek­­­sa­sııalaý júrgiziledi. Osy maq­­­sat­qa 3 trln-nan astam teńge ba­­­ǵy­t­­taý jospar­lanǵan. Kóp­ ba­la­­­ly, tolyq emes, erekshe qajet­ti­­­lik­teri bar balalardy tár­bıe­­lep otyr­ǵ­an otbasylardy qol­daý maq­sa­­tynda áleýmettik kásip­ker­­lik­ti, ot­­ba­syn jumyspen qamtý­dy damytý bo­ıynsha sharalar qabyl­danady.

«Baqytty otbasy» partııalyq jobasy aıasynda biz turmystyq zorlyq-zombylyqty azaıtý bo­ıynsha júıeli sharalardy qol­ǵa alamyz. Eldegi árbir qala men aýdan­da otbasyn qoldaý, ot­ba­­sy­lyq shıelenisterdi sheshý jáne balaly áıelderge ýaqyt­sha tur­ǵyn­jaı usyný orta­lyq­tary qu­ry­la­dy. Bul rette «Ot­basy­lyq-tur­mystyq zor­lyq-zom­by­lyqqa qar­sy is-qı­myl týraly» zań qa­byl­­danyp, otba­sylyq sottar qu­­ry­lady. О́mirlik qıyn jaǵ­daı­­ǵa tap bolǵan otbasy­lar men ba­la­­larǵa ataýly kómek kór­setý úshin «111 shuǵyl qyzmet» ju­my­­sy qam­tamasyz etiledi», dedi B.Baıbek.