Esirtki qylmysyna qarsy is-qımyl basqarmasy júrgizip jatqan reıd barysynda 28 jeltoqsan kúni «Shymkent-Samara» tas jolynyń 1550/716 shaqyrymynda jol erejesin buzǵan «VAZ 2115» avtokóligi toqtatyldy.
Tekserý barysynda avtokóliktiń júk salǵyshynan úlken qoraptan jáne 2 jol sómkeden kóp mólsherde erekshe ıisi bar shóp alyndy. Saraptama qorytyndysy boıynsha onyń 15 keliden asatyn keptirilgen marıhýana ekendigi anyqtalǵan.
Oqıǵa ornynda kúdikti 37 jastaǵy Atyraý qalasynyń turǵyny ustaldy.
Búgingi kúni ol Qarmaqshy aýdany Polısııa bóliminiń ýaqytsha ustaý ızolıatoryna qamaqqa alynyp, Qazaqstan Respýblıkasy Qylmystyq kodeksiniń 296-babynyń 4-bóligimen (Asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) sotqa deıingi tergep-tekserý amaldary júrgizilýde. Oqıǵanyń mán-jaıy anyqtalýda.