SQO-da bıylǵy Jańa jyl Ýálıhanov aýdanyndaǵy Patrýldik polısııa batalonynyń aǵa ınspektory, maıor Qalqaman Orazov qyzmettegi sońǵy kúni bolsa onyń uly Oljas Orazovtyń qyzmetke alǵashqy túsken kúni boldy, dep habarlaıdy Egemen.kz
Polısııa maıory Qalqaman Orazov quqyqtyq tártip organdarynda 27 jyl qyzmet atqaryp, 2020 jyldyń 30 jeltoqsanynda zeınetke shyqty. Al onyń SQO ýnıversıtetin «zańtaný» mamandyǵy boıynsha aıaqtaǵan úlken uly Oljas aýdandyq polısııa bólimine tergeýshi laýazymyna taǵaıyndaldy.
Otbasyndaǵy kenje ul Almat ta áke jolyn qýýdy armandap otyr. Ol aldaǵy jyly IIM joǵarǵy oqý ornyna túsýdi josparlap otyr.
«Men, uldaryma meniń jolymdy emes, óz júregiń qalaǵan joldy tańda» deýshi edim. Maǵan óz ákem de osy ósıetti únemi aıtyp otyratyn», deıdi Qalqaman Orazov.
Sóıtip, SQO-da polısııalardyń urpaqtar sabaqtastyǵy osylaı jalǵasyp, dástúrge aınalyp keledi. Jyl sońynda soltústikqazaqstandyq polısııa qatary 91 jas ofıser jáne serjantpen tolyqty. 2020 jyldyń sońǵy buıryǵymen quqyqtyq tártip organdarymen óz ómirin baılanystyrýǵa sheshim qabyldaǵan 15 maman laýazymǵa taǵaıyndaldy.
Jańa jyl qarsańynda soltústikqazaqstandyq 8 ofıser qurmetti eńbek demalysyna shyqty.