Elordada ótken jarty jyl ishinde monıtorıng toptary karantındik sharalardy saqtaý boıynsha 3 440 reıdtik is-shara ótkizdi. О́tken jyldyń 9 qazanynan bastap búgingi kúnge deıin Almaty aýdanynda - 335, Baıqońyrda - 248, Esil aýdanynda - 367 jáne Saryarqa aýdanynda - 271 zańbuzýshylyq anyqtaldy, dep habarlaıdy Egemen.kz ákimdiktiń resmı saıtyna silteme jasap.
Tekserýshilerdiń aıtýynsha, sanıtarlyq-epıdemıologııalyq baqylaý organdarymen birlesip karantın rejımin qasaqana buzýshylarǵa qatysty tıimdi sharalar qabyldaý maqsatynda jınalǵan materıaldar ákimshilik sotqa jiberiledi. Bul nysannyń jumysyn toqtatý úshin jasalynyp otyr.
Mysaly, ákimshilik sot «Alanya» túngi klýbynyń qyzmetin 3 aıǵa toqtatty jáne 100 AEK mólsherinde aıyppul saldy,«Janym Sol» karaoke-bary, «Zoloto» meıramhanasy jáne «Tequila kafe-bary bir aı jumys istemeıdi, sondaı-aq 70 AEK mólsherinde aıyppul tóleý mindetteldi.
«Karantındik sharalardy qasaqana buzǵany úshin elordanyń birqatar túngi klýby men qoǵamdyq tamaqtaný nysandaryna qatysty taǵy segiz materıal sot qaraýynda jatyr. Buryn atalǵan sýbektilerge zań buzýshylyqty toqtatý týraly uıǵarymdar berilgen. Quqyq buzýshylarǵa qatysty qyzmetti toqtata turý týraly sot aktisi oryndalmaǵan jaǵdaıda ákimshilik qamaýǵa alý sharalary qabyldanady», dep habarlady vedomstvoaralyq komıssııa.
ShOB nysandary buqaralyq is-sharalardy ótkizý, jumys rejımin, kelýshilerdiń belgilengen sanyn (30-dan astam), qyzmetkerlerdiń (daıashylar, satýshylar) betperde rejımin saqtamaýy syndy zańbuzýshylyqtarǵa jıi jol beredi. Sol sııaqty oıyn-saýyq oryndarynyń jumysyna tyıym salýdy elemeý jatady.
Elordanyń sanıtarlyq-epıdemıologııalyq baqylaý departamentiniń aqparatyna sáıkes, ótken jyldyń 5 shildesinen 31 jeltoqsanyna deıin shekteý jáne karantın sharalaryn buzǵany úshin 1 454 jeke, laýazymdy jáne zańdy tulǵalar jalpy somasy 283 616 250 teńgege ákimshilik jaýapkershilikke tartyldy.
Qazirgi ýaqytta jalpy somasy 190 901 215 teńge bolatyn 1 015 ákimshilik aıyppul óteldi.