BQO-daǵy qystaýlardyń birinde jasóspirim qyz birneshe ret zorlanǵan. Qylmys 2016 jyldyń jazynda bolǵan, alaıda ol týraly endi ǵana belgili boldy, dep habarlaıdy Egemen.kz. Bul týraly jergilikti «Moı GOROD» basylymy aqparat taratty.
Basylym taratqan málimetterge saı, byltyr qyrkúıekte kúdiktige qatysty QR QK-niń 121-babyna sáıkes «Kámelet jasyna tolmaǵandarǵa qatysty seksýaldy zorlaý áreketin jasaý» deregi boıynsha qylmystyq is qozǵalǵan.
«Tergeý barysynda jańa jaǵdaılar anyqtaldy. 33 jastaǵy er adam 2016 jyldyń jazynda Terekti aýdanynda qystaýdaǵy úıinde kámelet jasyna tolmaǵan qyzdy birneshe ret zorlaǵan. Ol kezde qyz 11 jasta bolǵan, qazir 15-te», dedi polıseıler.
«Qazir er adam tergeý ızolıatorynda. QR QK-niń 121-baby "Kámelet jasyna tolmaǵandarǵa qatysty seksýaldy zorlaý áreketin jasaý" jáne 124-baby "Kámelet jasyna tolmaǵandardy birneshe ret zorlaý" boıynsha sotqa deıingi tergeý júrip jatyr», dep qosty polısııa ókilderi.