7 qańtarda Semeı qalasyndaǵy Qaraǵaıly shaǵyn aýdanyndaǵy jańa úıdiń joǵarǵy qabatynan sý aǵa bastaǵan. Shatyrda ystyq sý qubyry jarylǵany anyqtaldy, dep habarlaıdy Egemen.kz
Joǵary qabattaǵy páterlerdi sý basqan. Jergilikti turǵyndardyń sózinshe, sý birinshi qabatqa deıin jetken. Sýdy toqtatý úshin PIK qyzmetkerleri qubyrdy japty. Alaıda syrttaǵy aýa temperatýrasynyń 30-40 gradýs bolýy jaǵdaıdy qıyndatyp turǵan kórinedi.
«Bizde topan sý bolyp jatyr! Mundaı úıde qalaı ómir súrýge bolady? Bizdiń kóshkenimizge bir jyl da bolǵan joq. Keıin ne bolmaq? Bul jańa úı! Úı salýshylar, qarańdar mynaǵan!», deıdi turǵyndar.
Turǵyndar sý qatyp, muz bolyp qalmaýy úshin túni boıy úıdi tazalap shyqqan. Aıta keteıik, toǵyz qabatty úı 2019 jyly qoldanysqa berilgen bolatyn.