SQO Polısııa departamenti patrýldik polısııa batalonynyń komandıri, podpolkovnık Erlan Mádıevtiń aıtýynsha "Chelıabi-Novosibir" avtojolynda eki reseılik azamat Hyundai Santa Fe avtokóligimen Soltústik Qazaqstan arqyly Ombyǵa bet alǵan.
Joldyń 608 shaqyrymynda kólik synyp qalady. Sýyq jel men yzǵarly aıazdan kóliktiń ishi jyldam salqyndaǵan. Abyroı bolǵanda, avarııalyq jaryq sıgnalızasııasy patrýldik polısııa batalony ekıpajynyń kózine túsedi. Polısııa aǵa leıtenanty Sergeı Mıhaılenko jáne polısııa leıtenanty Janat Sádýaqasov krossoverdi jaqyn mańdaǵy janar-jaǵarmaı beketine jetkizip, kólikti jóndeýge kómektesken. Budan bólek, polıseıler júrgizýshilerge Omby qalasyna jetip alǵansha qońyraý shalyp turǵan. Ofıserlerge rıza bolǵan ombylyqtar olardyń kómek kórsetip jatqan sátin smartfonǵa túsirip, vıdeony ınternetke júktepti.
Kún saıyn oblys joldarynda patrýldik polısııanyń 15 ekıpajy qyzmet atqarady.
Soltústik Qazaqstan oblysy